53.525452109884, -6.1653935999536
Fáilte go dtí Lusca
Sampla de theachín ceann tí traidisiúnta, a bhfuil bail iontach air, atá romhat nuair a thagann tú isteach i Lusca, ar sráidbhaile beag é a d'fhás go tréan ó thús an chéid.
Tagann ainm an tsráidbhaile uaimh ón bhfocal 'lusca' a chiallaíonn uaimh nó dúnpholl faoi thalamh.
Ceaptar go raibh cónaí ar Naomh Mac Cuilinn, a bhunaigh eaglais anseo thart ar 450 AD, in uaimh nó gur cuireadh é in uaimh anseo.
Téigh siar sna blianta in Ionad Oidhreachta Lusca
Tá Ionad Oidhreachta Lusca (cead isteach saor in aisce) lonnaithe sa scata foirgneamh thart ar Eaglais Naomh Mac Cuilinn, foirgnimh stairiúla a tógadh i gcaitheamh 1,000 bliain.
I gcloigtheach shéipéal Eaglais na hÉireann san ionad, tá taispeántas faoi Lusca agus séipéil mheánaoiseacha Fhine Gall, agus tá tuama samhla an Ridire Christopher Barnewall agus a bhean chéile Marion Sharle ón 16ú haois ann chomh maith.
Túir Lusca
Tógadh an cloigtheach ón 9ú haois ag Eaglais Naomh Mac Cuilinn mar thearmann ó ionsaithe na Lochlannach ar chósta na hÉireann a bhí ag méadú i rith na tréimhse sin.
Tá sé 27 méadar ar airde (bhí sé 32 méadar ar airde ar dtús), tá naoi 'n-urlár' aige an t-íoslach san áireamh.
Is é sin an líon urlár is airde atá ag aon chloigtheach.
Cuireadh an túr cosanta Angla-Normannach leis an gcloigtheach sin sa 15ú haois.
