53.389031472832, -6.1097347049936
Fáilte go dtí Cill Fhionntain
Ba shráidbhaile feirmeoireachta é Cill Fhionntain ar an taobh ó dheas de Bhinn Éadair tráth den saol, ach anois is bruachbhaile bríomhar cois cósta de chuid Bhaile Átha Cliath é.
Thart ar an mbaile, tá tránna ar a bhfuil tóir cosúil le Trá an Choinicéir.
Is galfchúrsa dumhcha 9 bpoll é Cumann Gailf Chill Fhionntain, agus cuireann na cúrsaí eile in aice láimhe (Cumann Gailf Bhinn Éadair agus Cumann Gailf Deer Park) deiseanna iontacha eile ar fáil don imreoir gailf.
Más mian leat rud difriúil a dhéanamh, is féidir leat cluichí eile cosúil le galf na gcos agus an poc fada, ar cluiche é atá bunaithe ar an iomáint, a imirt in Deer Park.
Má tá tú ag tabhairt cuairte ar Fhine Gall is bunáit iontach é Cill Fhionntain mar gheall ar na naisc iontacha iompair phoiblí le cathair Bhaile Átha Cliath, agus is féidir cósta Fhine Gall a bhaint amach ar an DART (seirbhís iarnróid cathrach) agus le Bus Átha Cliath chomh maith.
Maireachtáil i gCill Fhionntain
De bharr ceantar dlúth miondíola, scoileanna a bhfuil dea-chlú orthu agus ceantair chónaitheacha, is mian le daoine cónaí i gCill Fhionntain, go háirithe iad siúd ar mian leo páirt a ghlacadh i gCumann Dingí Chill Fhionntain, an cumann dingí is mó in Éirinn, agus leas a bhaint as ceantar cois cósta i gCill Fhionntain.
Chomh maith leis sin, tá Club Leadóige Cill Fhionntain ann, club a bhfuil 12 chúirt taobh amuigh acu agus trí chúirt scuaise laistigh agus tá sé ar an gclub is mó do scuais shóisearach i bPoblacht na hÉireann.
Bain sásamh as an Túr Martello
Chomh maith leis an gcósta ar fad i bhFine Gall, tá ceann de Thúir Martello na hÉireann i gCill Fhionntain, túr a tógadh in 1804 mar chosaint ar fhórsaí cabhlaigh Napóilean.
Rinneadh athchóiriú cúramach air agus anois is teach saoire féinfhreastail ar leith é atá ar fáil le cíos.
