All Bread is Made of Wood - This Dirt, Caisleán Shoird

Bí in éineacht linn le haghaidh 'This Dirt', an chéad chaibidil ó 'All Bread is Made of Wood', ar tionscadal ealaíne poiblí a choimisiúnaigh Caroline Cowley, Comhordaitheoir Ealaíne Poiblí Chomhairle Contae Fhine Gall.

Bhí Anne Mullee i mbun coimeádaíochta ar 'All Bread is Made of Wood'. Thug sí cuireadh d'ealaíontóirí Fiona Hallinan agus Sabina MacMahon chun a machnamh a dhéanamh ar arán agus a ghnéithe mar fheithicil a aistríonn eolas agus cuimhne sa phróise táirgthe. Tá sraith idirghníomhaíochtaí príobháideacha agus poiblí sa tionscadal, lena n-áirítear seomraí oidis le grúpa áitiúil ban Afracach agus na daoine níos sine ón gceantar. Bhí imeachtaí poiblí ar siúl ina ndéantar plé ar hipitéisí maidir le harán agus a ghnéithe.

Ar Dé Máirt 29 Lúnasa, tugann 'This Dirt' modhanna bácála agus táirgthe bia le chéile ó Chontae Bhaile Átha Cliath Thuaidh san am atá thart agus sa lá atá inniu ann. Trí Chaisleán Shoird* a úsáid mar spreagadh taiscéalaíochta, feidhmíonn 'arán' mar thairseach le haghaidh fiosruithe ar chultúr comhaimseartha agus ársa áitiúil bia, foghlaim shómatach agus próisis haptacha déanta.

12 p.m. - 4 p.m., Caisleán Shoird

Sceideal

12 - 4 p.m. Anti-anti pasta / Sabina MacMahon / Séipéal Caisleáin

12-4 p.m. Seed Carriers / Fiona Hallinan

12.30 An Dr Meriel McClatchie: Léiriú - modhanna seandálaíochta comhshaoil

An lá ar fad ag Caisleán Shoird: Tionscadal 'Ag Tochailt Staire'

Beidh an t-imeacht seo ar siúl le linn Lá Comhshaoil Chaisleán Shoird, a bhíonn ar siúl gach bliain, nuair a thugtar cuireadh don phobal taiscéalaíocht a dhéanamh ar an obair seandálaíochta atá ar siúl ar an láithreán. Déanann oibrithe deonacha an obair mar chuid de thionscadal 'Ag Tochailt Staire' de chuid Chomhairle Contae Fhine Gall.

Tá ríméad ar 'All Bread is Made of Wood' bheith ag obair i gcomhar le Seandálaí Pobail Fhine Gall, Christine Baker, Caisleán Shoird: tionscadal 'Ag Tochailt Staire', Teach Dhroichead Nua, An Dr Meriel McClatchie i Scoil Seandálaíochta UCD, agus le grúpa ban Afracach áitiúil, Nwannediuto. Déanfaidh an obair leis na grúpaí sin eolas d'iarrachtaí a bhaineann le bácáil ársa atá bunaithe ar aimsithe arbhair mheánaoisigh ag Caisleán Shoird, chomh maith le taiscéalaíocht ar an mbia comhaimseartha a bhaineann an mhuintir áitiúil sa cheantar tairbhe as le déanaí.

* Nochtann aimsithe seandálaíochta a rinneadh le déanaí ag Caisleán Shoird cé chomh tábhachtach is a bhí an suíomh mar ghráinseach. Stóráladh speilt, eorna agus coirce ann, rudaí a fásadh i gContae Bhaile Átha Cliath Thuaidh, b'fhéidir. Chuir na gráinní sin leite, stobhach agus arán ar fáil do dhaoine sa mheánaois.

Buíochas le Wayne Hand agus Ann Brophy ó Theach Dhroichead Nua.

Faisnéis an bhealaigh

Leis an mBus: Bus 41 ó Shráid na Mainistreach Íochtarach, Baile Átha Cliath 1 go dtí Sráidbhaile Shoird

Sa Charr: M1 go dtí an M50, tóg Bealach Amach 3 le haghaidh Shoird (lean na comharthaí)

Faoin Saothar

Fiona Hallinan / Seed Carriers

Is péire gníomhaíochtaí é 'Seed Carriers' a cheap Fiona Hallinan le haghaidh tochailt seandálaíochta ag Caisleán Shoird. Beidh macra-fhuílleach plandaí a aimsítear i spruadair seandálaíochta ag Caisleán Shoird le feiceáil ar cheann de dhá bhealach: i gcás amháin mar léaráidí ar ghreamáin a chuirtear ar ingne na rannpháirtithe; sa chás eile, mar chomhábhair a úsáidtear ar bhiachlár trucaile bia ar an láithreán.

Déanann 'Seed Carriers' fianaise sheandálaíochta a chur ar bun arís, agus déanann sé ceiliúradh ar shíolta mar iompróirí corpraithe eolais i rith spáis agus ama, a bhfuil daoine mar a ngníomhú acu.

Seed Carriers; léiriú, greamáin ar a bhfuil léaráidí de phlandaí roghnaithe a taifeadadh i spruadair seandálaíochta ag Caisleán Shoird agus a cuireadh ar ingne.

Seed Carriers; trucail bhia le comhábhair ar an mbiachlár atá bunaithe ar phlandaí roghnaithe a taifeadadh i spruadair seandálaíochta ag Caisleán Shoird.

Sabina MacMahon / Anti-anti pasta

Mar chuid de 'All Bread is Made of Wood', cuireann Sabina MacMahon preabtaispeántas lae i láthair ag Caisleán Shoird – an chéad pháirt de 'Anti-anti-pasta', tionscadal a dhéanann scrúdú ar shaol agus obair an Todhchaíochaí Iodálach gan iomrá Ermenegildo Cervi (1897-1966), fear a lonnaigh i gcontae Bhaile Átha Cliath Thuaidh i ndiaidh dá chomh-thodhchaíochaithe 'Manifesto of Futurist Cooking' a fhoilsiú go déanach in 1930.

Scríobh Filippo Tommaso Marinetti an forógra inar iarradh ar mhuintir na hIodáile droim láimhe a thabhairt do phasta. Chreid sé gur spreag an bia lárnach sin marbhántacht, doirbhíochas agus cumha agus, mar sin, bhí sé i gcoinne chreideamh na dtodhchaíochaithe i dteicneolaíocht agus luas. Ós rud é gur iteoir tiomanta pasta é (nó mangiamaccherono, iteoir pasta Napóileach), tháinig díomá ar Cervi faoi sheasamh na dtodhchaíochaithe i gcoinne pasta. Dheimhnigh daoine muinteartha leis, a raibh siopa sceallóg agus éisc acu i mBaile Átha Cliath, go raibh fonn ar mhuintir na hÉireann bia lán stáirse cosúil le harán agus prátaí a ithe. Mar sin, chinn sé bogadh go hÉirinn agus náisiún nua iteoirí pasta a bhunú anseo.

Nuair a bhog sé go dtí Sord, thosaigh sé ag déanamh a phasta féin agus cheap sé go leor cruthanna nua nuálacha le linn na 1930idí. Murab ionann is Todhchaíochaithe eile, bhí suim mhór aige sa stair agus reáchtáil sé roinnt babhtaí cócaireachta i bhfulacht fia a thóg sé ina ghairdín. Ba iarracht an-aisteach é sin pasta a chur os comhair mhuintir na hÉireann agus dlisteanacht stairiúil a thabhairt do phasta in Éirinn. Chomh maith leis sin, rinne sé dealbha casta le harán.

Beathaisnéisí

Is ealaíontóir agus comhbhunaitheoir 'Department of Ultimology' é Fiona Hallinan Chruthaigh sí roinnt comhthionscadal a bhaineann le fáilteachas, bia agus oideachas, cosúil le Heterodyne a raibh leaganacha de ar siúl i bPáras, Iostanbúl agus Cill Mhantáin; The Hare, café sealadach atá á rith ag ealaíontóirí i nDánlann agus Stiúideo Bharra an Teampaill, Baile Átha Cliath; Concrete Tiki, ar sraith imeachtaí bia a bhaineann go sonrach le suíomh ag Áras Nua-Ealaíne na hÉireann; agus HOMESTAY, ar tionscadal fáilteachais é don Dánlann Eolaíochta, Baile Átha Cliath. Ó Aibreán go dtí Meán Fómhair 2016, shocraigh sí an biachlár ag an gcaifé Meet Me in the Morning i mBAile Átha Cliath. Tá sí ag dearadh roinnt tionscadal nua faoi láthair a bhaineann le bia i gcomhthéacs ealaíne, lena n-áirítear caifé a bhunú sa Grazer Kunstverein, An Ostair.

Faoi láthair, tá sí ina ball den Ghrúpa Modhanna Ortagánach ('Orthogonal Methods Group', nó OMG), ar grúpa taighde é atá bunaithe ag CONNECT, Lárionad Taighde Fhondúireacht Eolaíochta Éireann um Líonraí agus Cumarsáid Amach Anseo. Is ardán taighde é OMG laistigh de CONNECT a oibríonn i gcaidreamh criticiúil agus cruthaitheach leis an teicneolaíocht. Taispeánadh a gcuid saothar ag Dánlann Kerlin, IMMA, Mother's Tankstation, Parsons Pháras agus Ollscoil Brown. www.notalittlepony.com

Is amharcealaíontóir, coimeádaí agus taighdeoir í Sabina MacMahon. Bhain sí céim BA (Céadonóracha le Comhonóracha) i Stair na hEalaíne agus Mínealaíne (Péinteáil) amach ó Choláiste Náisiúnta Ealaíne is Dearaidh, Baile Átha Cliath in 2008. Agus bhain sí MA (Gradam) sa Staidéir Músaeim amach ó Ollscoil Leicester, Béarla in 2015.

Tá a gcuid saothar bunaithe ar thaighde den chuid is mó agus baineann sé le creidiúnacht, inchreidteacht agus para-fhicsean, mar a shainmhíníonn Carrie Lambert-Beatty é i dtaca le úsáid Rosalind Krauss den téarma lena mbaineann 'paraliteartha'. Tá suim ag MacMahon i gcosúlacht na fírinne nó gné an rialachais i rud éigin, in éineacht le conas a chuirtear in iúl don bhreathnóir é sin, agus mar gheall air sin, cén fáth a nglactar le rud éigin mar fhíor ós rud é go bhfuil sé cosúil leis an bhfírinne. Tá na déantáin, téacsanna agus foinsí príomhúla a chruthaíonn sí fíor, neamh-fhíor agus neamh-neamh-fhíor ag an am céanna. Is féidir breathnú ar a gcuid saothar mar ealaín 'ficseanach', is é sin ealaín ina gcuirtear ficsean in iúl mar an fhírinne a nglactar leis, ina dhiaidh sin, mar fhíor ag roinnt daoine cuid den am.

Is comh-choimeádaí é, lena comhealaíontóir David Quinn, ar na sraitheanna taispeántas LACUNA [ ] ag na Dánlanna Taylor, Baile Átha Cliath. Agus is í Coimeádaí Cónaitheachta 2017 ag Ionad Ealaíon Solstice, An Uaimh, Contae na Mí. www.sabinamacmahon.com

Is Ollamh Cúnta ag Scoil Naomh UCD é An Dr Meriel McClatchie. Díríonn a taighde ar sheandálaíocht réamhstairiúil agus luath-mheánaoiseach san Eoraip. Tá suim aici ach go háirithe ar thírdhreacha, lonnaíocht, bia agus aircé-luibheolaíocht (anailís eolaíochta ar mhacra-fhuílleach plandaí a aimsítear le linn tochailtí seandálaíochta, gráin agus cáithleach ghránaigh, síolta, torthaí agus cnónna san áireamh).

Is stiúrthóir an Ghrúpa Taighde Bianna Ársa ag UCD í. D'fhoilsigh sí go forleathan i dtaca le bia ársa agus feirmeoireacht, lena n-áirítear páipéir in irisleabhair mhóra idirnáisiúnta cosúil le Antiquity, Journal of Archaeological Science agus Vegetation History and Archaeobotany.

Is coimeádaí, taighdeoir agus scríbhneoir ealaíne í Anne Mullee atá bunaithe i gContae an Chláir agus Baile Átha Cliath, is coimeádaí Dánlann agus Stiúideonna The Courthouse, Inis Díomáin, Contae an Chláir. Tá MA sa Bheartas Cultúrtha agus Bainistíocht Ealaíon aici ó UCD, chomh maith le Dioplóma san Iriseoireacht ó Ollscoil na nEalaíon, Londain, agus Teastas in Ealaín agus Dearadh ó Institiúid Teicneolaíochta, Baile Átha Cliath. Sular fhill sí ar Éirinn in 2009 tar éis blianta fada a chaitheamh i Londain, d'oibrigh sí sna meáin i bhfoilsitheoireacht irisí agus ar líne agus mar léiritheoir teilifíse.

I measc a suimeanna taighde, tá tacsanomaíocht agus an méid a bhíonn i bpáirt ag smaointe agus rúdaí ábhartha, agus cad atá le haimsiú sna spásanna scáineacha sin. I measc na tionscadail a rinne sí le déanaí, bhí sí i mbun coimeádaíochta ar an taispeántas ar líne Locate:Iran (Feabhra 2016); To Follow The Water, taispeántas grúpa atá lonnaithe ar bháirse a bhí i riocht oibre tráth (Meán Fómhair, 2016); an seó grúpa 'Product Recall' ag Ionad Ealaíon na Gaillimhe (2015); The Artist's Armada, taispeántas suíomhoiriúnaithe ina raibh árthaí a rinne ealaíontóirí ag Duga na Canálach Móire, Baile Átha Cliath (Meán Fómhair, 2015).

Bhí sí ina coimeádaí gníomhach ag The LAB, Baile Átha Cliath (clúdach máithreachaos), agus fuair sí duaiseanna ó Chomhairle na nEalaíon, Comhairle Cathrach Bhaile Átha Cliath, Uiscebhealaí Éireann agus Éire Chruthaitheach. I measc na gcónaitheachtaí a bhí aici, fuair sí an Chónaitheacht Kooshk, Tehran, agus ag The Good Hatchery, Contae Uíbh Fhailí. Foilsíodh a cuid scríbhneoireachta in Irisleabhar Músaeim Éireann agus Paper Art Visual, agus scríobhann sí go rialta do Visual Artists News Sheet de chuid Amharcealaíona Éireann. www.annemullee.com

Le haghaidh tuilleadh eolais faoin sceideal, téigh i dteagmháil le Caroline Cowley, Comhordaitheoir Ealaíne Poiblí ag [email protected] 01 870 8449