Carranna Pobail Fhine Gall

Faigh amach conas páirt a ghlacadh i Seirbhís Carranna Pobail Fhine Gall

Tá Comhairle Contae Fhine Gall, i gcomhpháirtíocht le Local Link agus GoCar, tar éis an tseirbhís píolótach ‘Carr Pobail’ a sheoladh.

Is í an tseirbhís Carranna Pobail an chéad seirbhís dá leithéid le bheith curtha i bhfeidhm ag aon údarás áitiúil in Éirinn agus tá sé i bhfeidhm i mBinn Éadair agus sna Sceirí anois. Táthar tar éis dhá Fheithicil leictreacha a chur ar fáil don tionscnamh píolótach seo a dtugann aitheantas don tiomantas atá ag Fine Gall don Ghníomhú ar son na hAthruithe Aeráide.

Cé atá in ann leas a bhaint as an tSeirbhís Carranna Pobail?

Bunaíodh Scéim na gCarranna Pobail chun daoine a thabhairt chuig

Ceapacháin Ospidéil agus Sláinte.
An baile áitiúil chun rochtain a fháil ar sheirbhísí pinsin / baincéireachta / siopadóireachta.
Gníomhaíochtaí pobail áitiúla - bothán na bhfear, grúpaí gníomhaíochta lucht scoir, cruinnithe pobail áitiúla, srl.
Tithe altranais chun cuairt a thabhairt ar dhaoine muinteartha / cairde.

Conas is féidir le daoine leas a bhaint as an tSeirbhís Carranna Pobail?

Chun suíochán a chur in áirithe ar an Scéim Carranna Pobail

Cuir glaoch ar 046 9074830 nó chuir ríomhphost chuig [email protected]
Más rud é go bhfuil tú cláraithe, beidh d'ainm agus do shonraí teagmhála ar comhad san oifig
Más rud nach bhfuil, is féidir leat clárú ar an bhfón.
Cuir do thuras in áirithe, is cuma más chun dul go dtí an baile, an t-ospidéal, teach altranais nó imeacht pobail atá sé.

Ar mhaith leat a bheith i do thiománaí deonach le Local Link?

Seo an chaoi is féidir a bheith páirteach. Chun oibriú go deonach le Carr Pobail na Sceirí nó Bhinn Éadair

Cuir glaoch ar 046 9074830 nó chuir ríomhphost chuig [email protected] agus cuir d'ainm síos mar oibrí deonach

Cad atá i gceist leis?

Is tionscnamh é an scéim Carr Pobail a bhfuil sé mar aidhm aige oibrithe deonacha a thabhairt isteach sa phobal áitiúil agus cuidiú le daoine de chuid an phobail, tríd an iompar tacaithe a chur ar fáil. Cuirfidh an Tiománaí Deonach iompar riachtanach ó dhoras go doras ar fáil do phaisinéirí atá aitheanta mar dhaoine a bhfuil deacrachtaí acu rochtain a fháil ar an iompar poiblí nó ar chineálacha eile iompair.

Leis seo, áireofar:

Seirbhísí, dála cuairteanna ar ospidéil
Rochtain ar an iompar chun teacht ar sheirbhísí sláinte nach mbeadh indéanta gan an tseirbhís.
Seirbhís ríthábhachtach a chur ar fáil do dhaoine chun teacht a fháil ar a bpinsin, ar an tsiopadóireacht, gníomhaíochtaí pobail, agus seirbhísí baincéireachta.

Conas a oibríonn sé?

Mar oibrí deonach, inseoidh tú am rialta a bheidh ar fáil le bheith ar glao dualgais chun tiomáint go deonach. Ansin, cuirtear ar phainéal tú de thiománaithe atá ar fáil ar glao de réir éilimh. I bhformhór na gcásanna, gheobhaidh tú fógra cúpla lá roimh ré chun deimhniú go mbeidh tú ar fáil le haghaidh turas ar leith. Ní gá duit a bheith ar fáil i gcónaí! Ní dhéanfar teagmháil leat ach amháin chun tiomáint le linn na n-uaireanta a n-insíonn tú linn go bhfuil tú ar fáil agus ní fadhb í más rud é nach féidir leat an turas sin a dhéanamh.

Cuirfear oiliúint iomlán ar fáil don ról seo ag am agus ar lá a oireann don oibrí deonach.

Cad atá ag teastáil don phost seo

Critéir Riachtanacha

Láncheadúnas Glan Tiomána

Critéir Inmhianaithe Eile:

Eolas ar an gceantar geografach
Cumas idirchaidreamh a dhéanamh le daoine aosta, le daoine atá faoi mhíchumas agus le raon leathan de dhaoine a dteastaíonn iompar uathu sa phobal
Tá scileanna ríomhaireachta bunúsacha inmhianaithe, ach níl siad riachtanach.

Nuair a bheidh an cúrsa críochnaithe, beidh na hoibrithe deonacha go léir ar an eolas is deireanaí, deimhnithe go hiomlán agus cáilithe chun tiomáint ag an gcaighdeán riachtanach de réir mar a éilíonn seirbhísí Local Link. Beidh na tiománaithe níos muiníní ar an mbóthar mar thiománaí, mar thiománaí cairr pobail agus maidir leis na freagrachtaí atá orthu as na daoine a bheidh á n-iompar acu. Mar chuid den oiliúint, beidh ar na tiománaithe tiomáint triallach a dhéanamh ar bhonn aonair san fheithicil agus déanfar Grinnfhiosrúchán an Gharda Síochána orthu chomh maith.

Cé léi ba cheart duit teagmháil a dhéanamh: Patricia Cassidy, Flexibus. Ríomhphost: p%61%74r%69ci%[email protected] " rel="nofollow"> [email protected] Fón: 046-9074830

Cliceáil anseo chun preasráiteas faoi Scéim na gCarranna Pobail