An Chiste um Struchtúir Stairiúla

Tá cuireadh á thabhairt ag Comhairle Contae Fhine Gall d’iarratasóirí cur isteach ar Chiste na nDéanmhas Stairiúil 2025.

Is é príomhfhócas na scéime seo ná struchtúir agus foirgnimh stairiúla a chaomhnú agus a fheabhsú ar mhaithe le pobail agus leis an bpobal. Tá Struchtúir áta faoi Chosaint, Struchtúir atá faoi Chosaint molta agus i gcásanna áirithe, oibreacha ar struchtúir laistigh de Limistéir Chaomhantais Ailtireachta incháilithe.

Is iad príomhaidhmeanna an chiste seo ná:

oibreacha caomhantais ar scála níos mó a dhéanamh ar struchtúir oidhreachta a mheastar a bheith suntasach agus a bhfuil gá acu le tacaíocht phráinneach a chumasú;

spreagadh a thabhairt d’athghiniúint agus d’athúsáid réadmhaoine oidhreachta agus cuidiú le caomhnú struchtúir atá faoi chosaint agus/nó sócmhainní atá suntasach ó thaobh cultúir a chinntiú;

tacú le hinfheistíocht chaipitil phríobháidigh i dtionscadail dlúthshaothair chun struchtúir stairiúla in úinéireacht phoiblí agus phríobháideach a chaomhnú le haghaidh úsáid an phobail.

tacú le fostaíocht sna tionscail chaomhnaithe agus tógála.

athléimneacht a thógáil inár n-áiteanna oidhreachta le cur ar a gcumas éifeachtaí an athraithe aeráide a sheasamh.

Don bhliain 2025, tairgfidh Ciste na nDéanmhas Stairiúil deontais ó €50,000 suas go €200,000 amháin, ag díriú ar thionscadail níos mó feabhsaithe, athchóirithe nó athúsáide a bhaineann le struchtúir oidhreachta, ina bhfuil:

a. Sochar pobail nó poiblí soiléir léirithe, nó

b. Buntáiste soiléir cónaithe léirithe (ní mór tionscadail den sórt sin a chur chun cinn tríd an bpróiseas pleanála de réir mar is gá)

Is ceanglas de chuid Chiste na nDéanmhas Stairiúil é go bhfostódh an t-iarratasóir gairmí caomhantais atá cáilithe go cuí chun an obair a mhaoirsiú agus go gcuirfí modheolaíocht chuimsitheach isteach leis an iarratas.

Cé go n-éascaíonn Comhairle Contae Fhine Gall na hiarratais tosaigh, is í an Roinn Tithíochta, Rialtais Áitiúil agus Oidhreachta a fheidhmíonn an ciste agus cinneann an liosta deiridh de thionscadail náisiúnta a dtabharfar maoiniú dóibh.

Tá sonraí iomlána faoin CDS 2025 – lena n-áirítear foirmeacha iarratais agus treoirdhoiciméid – ar fáil le híoslódáil thíos:

Foirm Iarratais CDS 2025

Seicliosta Iarratais CDS 2025

Treoir CDS 2025 d’Iarratasóirí

Ciorclán CDS 2025 chuig Údaráis Áitiúla

DÁTA DEIRIDH: Is é an spriocdháta chun iarratais a chur isteach don scéim seo ná 5in Dé hAoine an 17ú Eanáir 2025.

Ba cheart foirmeacha iarratais mar aon leis an seicliosta iarratais agus ábhar breise ábhartha a sheoladh trí ríomhphost chuig [email protected]   i bhformáid Word nó PDF. Níor chóir go mbeadh méid an ríomhphoist le gach ceangaltán níos mó ná 15MB.

Tuilleadh eolais: https://www.gov.ie/ga/foilsiuchan/cunamh-airgeadais-don-oidhreacht-thog…;