Pleanáil

Grúpa Idirchaidrimh Chósta Fhine Gall

Bunaíodh Grúpa Idirchaidrimh Chósta Fhine Gall in 2016 mar fhreagairt do:

Buarthaí leanúnacha maidir le Creimeadh Cósta/Tuile Cósta i bhFine Gall.
Gá le Freagairt Chomhtháiteach Struchtúrach chun dul i ngleic leis na buarthaí seo agus feabhas a chur ar chumarsáid idir páirtithe leasmhara ábhartha.
Fóram a sholáthar chun plé a dhéanamh ar chur chuige i leith pleanáil agus déileáil le fadhbanna Creimthe/Tuile Cósta.

Ballraíocht den Ghrúpa Idirchaidrimh Cósta

Tá Comhairleoirí Contae, Oifigigh na Comhairle agus baill den phobal mar bhaill den Ghrúpa Idirchaidrimh Cósta ó gach ceann de na ceantair a ndéantar difear dóibh, arb iad an Ros (an Trá Thuaidh agus an Trá Theas), Port Reachrann agus Cill Fhionntain.

Téarmaí Tagartha don Ghrúpa Idirchaidrimh Cósta

Chun plé a dhéanamh ar agus chun dul i ngleic le haon cheisteanna a mhéid agus is féidir atá mar ábhar buartha do na pobail a chónaíonn sa Ros, Port Reachrann agus Cill Fhionntain maidir le creimeadh cósta agus tuile cósta sna ceantair seo.
Athbhreithniú a dhéanamh ar agus moltaí a dhéanamh maidir le creimeadh cósta agus tuile cósta a bhainistiú i bhFine Gall.
Rannpháirtíocht níos fairsinge an phobail a éascú i mbainistíocht cósta, agus acmhainní nádúrtha trí ballghrúpaí pobail a chur ar an eolas agus idirichaidreamh a dhéanamh leo.
Deiseanna a chothú do chomhthionscadail, faisnéis a roinnt agus cistiú deontais a sholáthar chun dul i ngleic le saincheisteanna buartha maidir le bainistíocht cósta.
Comhairle ar dhea-chleachtas a chur ar fáil i gcomhréir le forálacha Phlean Forbartha Fhine Gall agus cáipéisí beartais ábhartha eile i gcomhthéacs pleanáil agus bainistíocht chomhtháite imeallbhord Fhine Gall.
An t-eolas is déanaí ar athrú aeráide a chuimsiú isteach i bpleanáil cósta chun cabhrú leis an gComhairle le straitéisí imeasctha a chomhcheangal isteach i mbeartais phleanála.
Athbhreithniú a dhéanamh ar chomhairle eolaíochta agus an t-eolas seo a chomhcheangal isteach i bpleananna bainistíochta cósta a ullmhú agus a athbhreithniú.