Deimhnithe um Shábháilteacht ó Dhóiteán
SOCRUITHE NA NOLLAG MAIDIR LE hIARRATAIS A DHÉANAMH
Fógraí 7 Lá – Is é 4.00i.n. ar An Aoine, 15ú Nollaig, 2023 an t-am/dáta is déanaí chun fógraí 7 lá a fháil san oifig agus d’iarratais ar líne a ghabhann le Deimhnithe Sábháilteachta Dóiteáin agus Foirmeacha Dearbhúcháin Reachtúla.
Measfar ar iarratais a fhaightear tar éis an ama seo a bheith faighte Dé Máirt, 2ú Eanáir 2024.
Fógra BCMS – Is é an dáta is déanaí chun Fógraí Tosaithe agus Iarratais (Deimhnithe Sábháilteachta Dóiteáin, Deimhnithe Rochtana Míchumais, Dispeansáidí agus Scíth) lena n-áirítear Eolas Breise nó Athbhreithnithe, a chur isteach chuig córas ar líne BCMS 11:59pm ar an 19ú Nollaig 2023. Athosclóidh BCMS d’aighneachtaí ag 12:01am ar an 2ú Eanáir 2024.
Ní chuirfear iarratais Deimhnithe Comhlíonta ar Chríochnú leis an gClár idir 19ú Nollaig 2023 agus 2ú Eanáir 2024.
Cuimhnigh ar seo le do thoil agus fógra roimh ré ar chríochnú á chur isteach agat.
Faigh eolas anseo maidir le hAthruithe maidir le hiarratais a chur isteach ar líne maidir le Rialú Tógála.
Léirítear i nDeimhniú um Shábháilteacht ó Dhóiteán go bhfuil áiseanna éalaithe leordhóthanacha i bhfoirgneamh agus gur dearadh an foirgneamh ar bhealach a gcuireann cosc agus teorainn le scaipeadh tine.
Ní mór do gach foirgneamh Cuid B (Dóiteáin) de na Rialacháin Foirgníochta 1997-2010 a chomhlíonadh.
Níl gá ar bith le Deimhniú um Shábháilteacht ó Dhóiteán i gcomhair tithe agus foirgnimh thalmhaíochta áirithe. Seiceáil na Rialacháin um Rialú Foirgníochta (Leasú), 2009 chun tuilleadh eolais a fháil.
D’fhonn iarratas bailí a dhéanamh, ní mór duit an méid seo a leanas a chur ar fáil:
- na pleananna, na ríomhanna agus na sonraíochtaí i gcomhair na n-oibreacha nó an fhoirgnimh (2 chóip)
- sonraí faoi úsáid bheartaithe an fhoirgnimh, agus faoin úsáid a bhaintear as i láthair na huaire más infheidhme (2 chóip)
- an táille chuí bunaithe ar achar urláir
An Táille
Cosnaíonn sé €125 nó €2.90 in aghaidh an mhéadair chearnaigh d’achar urláir atá á sholáthar, cibé acu is mó (suas le €12,500 ar a mhéad). Íoctar í as oibreacha a bhaineann leis an méid seo a leanas:
- foirgneamh a thógáil nó síneadh a chur leis
- foirgneamh ina bhfuil athrú ábhartha úsáide á dhéanamh
- ceann amháin díobh seo a leanas nó iad araon: a) athrú ábhartha ar an taobh istigh d’fhoirgneamh b) athrú ábhartha ar dhromchlaí seachtracha foirgnimh (táille sheasta €125)
Maidir le foirgneamh, nó oibreacha, a úsáidfear le haghaidh cúrsaí talmhaíochta, is é an táille €65 nó €0.80 in aghaidh an mhéadair chearnaigh (níos mó ná 300 méadar cearnach) – a ghearrtar ar cibé ceann acu seo a leanas is mó:
- an t-ollachar urláir atá á sholáthar
- an t-achar urláir cuí
Cad a tharlóidh ina dhiaidh sin?
Tabharfaimid cinneadh duit laistigh de dhá mhí. Más gá an t-achar ama sin a bhreisiú, cuirfimid é sin in iúl duit i scríbhinn.
Tá mí amháin agat tar éis an chinnidh chun achomharc a dhéanamh chuig an mBord Pleanála. Féadfaidh tú glaoch a chur orthu ar 01 8588100 nó 1890 275 175 (Íosghlao), nó ríomhphost a chur chuig [email protected] .
Bí cinnte go seolann tú d’fhógra tosaithe nó fógra 7 lá isteach sula dtosaíonn tú ar an obair.
B’fhéidir gur ghá go mbeadh Teastas Rochtana do Dhaoine faoi Mhíchumas agat freisin.
Is féidir breathnú ar na comhaid uile i leith deimhniú um shábháilteacht ó dhóiteán ag an gCuntar Pleanála inár n-oifigí i Sord. Bímid ar oscailt ó Luan go hAoine, ó 9.30am go 4.30pm.
Íoslódáil an
Deimhnithe um Shábháilteacht ó Dhóiteán
agus cuir an fhoirm chomhlánaithe chuig an seoladh seo:
An Rannán um Shábháilteacht ó Dhóiteán, An Rannóg Pleanála
Comhairle Contae Fhine Gall
Bosca Poist 174
An Phríomhshráid
Sord
Co. Bhaile Átha Cliath
Féadfaidh tú d’iarratas a thabhairt isteach chuig an gCuntar Pleanála inár n-oifigí i Sord freisin. Bímid ar oscailt ó Luan go hAoine, ó 9.30am go 4.30pm.
Teagmháil
Fón: (01) 890 5000