Plyscape ag Páirc an Linn Mhuilinn, i mBaile Brigín
Bígí i dteannta Laura & Ciarán ó Islander Architects le haghaidh ceardlann ailtireachta idirghníomhach, atá saor in aisce do dhéagóirí ar an 11 Meitheamh mar chuid de Chruinniú na nÓg 2022.
Is deis é Plyscape do dhaoine óga teacht le chéile agus eispéiris chomhroinnte a fhorbairt trí cheardlann lae. Trí Plyscape, spreagfar rannpháirtithe chun cur lena gcumas tógála
ina dtimpeallacht ailtireachta, trí ligean dóibh struchtúir sraithadhmaid a shaincheapadh agus a chur le chéile. Oibreoidh na rannpháirtithe le heilimintí sraithadhmaid in-díshuite a ligfidh dóibh tógáil, athchumrú agus atógáil le linn na ceardlainne.
Gheobhaidh gach rannpháirtí foireann de chruthanna sraithadhmaid réamhdhéanta, ar féidir leo suiteáin sealadacha éagsúla a cheangal agus a mhúnlú le chéile. Beidh meáin mheasctha ar fáil ar an lá, chun deis a thabhairt do na rannpháirtithe a n-eilimintí sraithadhmaid a shaincheapadh. Fiosróidh siad a gcruthaitheacht le páirteanna ón trealamh simplí seo, agus dá bharr sin athróidh siad an réimse poiblí chun feabhais; idir cathaoir chompordach agus teach reacaireachta - tá na féidearthachtaí gan deireadh!
Beidh cead ag gach rannpháirtí Plyscape a n-eilimintí sraithadhmaid saincheaptha a choinneáil lena n-athúsáid amach anseo. As lámha a chéile, cruthóimid spásanna poiblí níos fearr!
Cathain: 11:00 - 13:00 le sos 14:00 - 16:00, Dé Sathairn 11 Meitheamh 2022
Cad é: Imeacht lasmuigh & laistigh, gníomhaíochtaí grúpa & aonair.
Áit: Rampaí Scátála ag Páirc an Linn Mhuilinn, i mBaile Brigín.
Cé: Tá fáilte roimh dhéagóirí 14-18 mbliana d’aois.
Is imeacht saor in aisce é seo ach níl ach líon teoranta spásanna ar fáil, mar sin ní mór clárú.
Nasc clárúcháin: https://www.eventbrite.ie/e/plyscape-interactive-architectural-workshop…
Eolas faoi ‘Islander Architects’:
Bhunaigh Laura Carroll & Ciarán Molumby ‘Islander Architects’ in 2020. Léiríonn an t-ainm ‘Islander’ spiorad ár gcuid oibre; is é sin a bheith seiftiúil, agus freastal ar uathúlacht gach tionscadail ar leith. Is mór an spreagadh dúinn na comhthéacsanna a ndearaimid laistigh díobh agus na daoine a ndéanaimid dearadh dóibh. Tá baint ghníomhach againn le for-rochtain pobail atá bunaithe ar oideachas & dearadh. Is go comhfhiosach atá ár gcleachtadh i mBaile Brigín, chun ról a bheith againn ina athnuachan.
Ceardlann Plyscape le ‘Islander Architects’. Arna choimisiúnú ag Oifig Ealaíon Fhine Gall ar ócáid Chruinniú na nÓg 2022, tá an tionscadal seo maoinithe ag Éire Ildánach.
