80 tona dramhaíola a dumpáladh go mídhleathach bainte as Fionnghlas
Mar thoradh ar mhóroibríocht bainte dramhaíola ag Comhairle Contae Fhine Gall i bhFionnghlas tá thart ar 80 tona de dhramhaíl tí agus toirtiúil a dumpáladh go mídhleathach á thabhairt chuig saoráid dramhaíola ceadaithe lena dhiúscairt.
Cur chuige ilghníomhaireachta a bhí ann ag roinnt láithreacha ar Lána Dhún Sinche le cúnamh tugtha ag An Garda Síochána agus déanta i gcomhar le roinnt conraitheoirí.
Ar chúl na hoibríochta, cuireadh patróil agus seicphointí mhéadaithe ag oifigigh forfheidhmithe dramhaíola agus Gardaí Pobail áitiúla i bhfeidhm chun monatóireacht a dhéanamh ar ghníomhaíochtaí ar an talamh chun tuilleadh dumpála a chosc.
Tar éis don Acht um Gheilleagar Ciorclach 2022 a bheith sínithe ina dhlí le déanaí, úsáidfear TCI freisin nuair a bheidh an Cód Cleachtais nua eisithe chun gur féidir na teicneolaíochtaí seo a úsáid chun críocha forghníomhaithe dramhaíola. Baileofar fianaise ar ghníomhaíochtaí mídhleathacha dramhaíola agus déanfar iad siúd atá freagrach a ionchúiseamh sa Chúirt Dúiche faoin Acht um Bainistiú Dramhaíola 1996. Má fhaightear ciontach é féadfar fíneáil suas le €5,000 a ghearradh ar dhuine nó 12 mhí príosúnachta a chur air chomh maith le ciontú coiriúil a fháil.
Tá sé ar eolas go ndíríonn bailitheoirí mídhleathacha dramhaíola ar shuíomhanna meán sóisialta a thairgeann seirbhísí saora bainte dramhaíola, ach déantar an dramhaíl a dhumpáil go mídhleathach, rud a dhéanann dochar do thruailliú comhshaoil. Níl ceadúnas bailithe dramhaíola ag go leor de na daoine aonair “Man in a Van” agus níl siad údaraithe dramhaíl a bhailiú. Iarr ID i gcónaí agus chun Cead Bailithe Dramhaíola a fheiceáil ar féidir é a sheiceáil leis an Oifig Náisiúnta um Cheadanna Bailithe Dramhaíola www.nwcpo.ie. Mura bhfuil siad ar an liosta níl siad údaraithe dramhaíl a bhailiú.
Tá freagracht ar gach duine a gcuid dramhaíola a dhiúscairt ar bhealach sábháilte agus inbhuanaithe de réir na bhFodhlíthe um Chur i Láthair Dramhaíola 2020. Is féidir earraí toirtiúla a thabhairt chuig d’ionad athchúrsála áitiúil (Ionad Athchúrsála Chúil Mhín agus Ionad Athchúrsála Inbhear) le haghaidh aisghabhála/diúscartha. Is féidir dramhthrealamh leictreach agus leictreonach (WEEE), éadaí, páipéar, pacáistiú agus gloine a athchúrsáil saor in aisce freisin.
Is acmhainn luachmhar fós í dramhaíl tí agus toirtiúil má dhéantar í a scaradh agus a dhiúscairt i gceart. Ach cosnaíonn dramhaíl a dhumpáiltear go mídhleathach na céadta míle euro gach bliain ar Údaráis Áitiúla, airgead a d’fhéadfaí a chaitheamh ar bhealach níos fearr ar sheirbhísí áitiúla laistigh den phobal a fheabhsú.
Chun bailitheoirí dramhaíola nó dumpáil neamhúdaraithe a thuairisciú déan teagmháil le: [email protected] nó Teil: 01 8906799.
