Bí réidh le Seachtain na Gaeilge 2025 a cheiliúradh i bhFine Gall

Tá Comhairle Contae Fhine Gall ag ullmhú chun ár dteanga agus ár gcultúr a cheiliúradh le linn Sheachtain na Gaeilge 2025 a bheidh ar siúl ón 1ú-17ú Márta. Ag teacht le haidhm na féile idirnáisiúnta Gaeilge seo táimid ag spreagadh gach duine úsáid a bhaint as cibé Gaeilge atá acu – Bain Triail Aisti. Tá imeachtaí na Comhairle ar siúl i Halla an Chontae, Sord, sna Leabharlanna Áitiúla, in Ard Giolláin agus in Ionad Seamus Ennis, agus go leor imeachtaí eile á n-eagrú ag grúpaí Gaeilge ar fud an Chontae.  

Bhí an Ghaeilge ag teacht chun cinn cheana féin i 2025 sa Chomhairle le sár-rath ar an Ócáid Líonraithe Gaeilge – Oíche Líonraithe Gaeilge i Halla an Chontae i mí Eanáir. Bhí an-tóir ar scéim na Scoláireachtaí Gaeltachta a fógraíodh ar an oíche le beagnach 400 iarratas agus cuireadh na 10 n-iarratasóirí ar éirigh leo ar an eolas agus tugadh cuireadh dóibh freastal ar ár gceiliúradh do Sheachtain na Gaeilge i Halla an Chontae ar an 12ú Márta. 

Le tacaíocht ó Ionad Ealaíon Seamus Ennis ar an gCéadaoin 12ú Márta san Atrium Halla an Chontae, Sord, cuirfimid ceiliúradh ar Sheachtain na Gaeilge le Ceol, Craic agus Gaeilge i láthair ó 7 go 9in. Beidh an tsiamsaíocht á cur ar fáil ag ceathrar ceoltóirí sár-chumasacha: Is as Co. na Mí Bernadette Nic Gabhann & thaistil sí timpeall an domhain mar fidléir, is seinnteoir consairtín, taibheoir, múinteoir, cumadóir agus damhsóir cnaguirlisí í Caitlín Nic Gabhann, iar-fhaighteoir Ceoltóir Óg na Bliana TG4, an fidléir Ciarán Ó Maonaigh ó Ghaeltacht Ghaoth Dobhair i gCo. Dhún na nGall agus is scoláire, oideachasóir agus ceoltóir mór le rá é Seán McElwain. Bíonn an-tóir i gcónaí ar an ócáid ​​bhliantúil seo, a chuireann fáilte roimh dhaoine díograiseacha Gaeilge ón gcontae a bheith le foireann Fhine Gall, agus spreagtar rannpháirtíocht lucht féachana mar sin más mian leat a bheith páirteach in amhrán ar an oíche glac páirt le do thoil. 

Tá Comhairle Contae Fhine Gall ag tacú freisin leis an tionscadal nuálaíoch Gaeilge 365 a chuireann an Ghaeilge i gcroílár sheirbhísí na n-údarás áitiúil agus ag cinntiú go bhfuil pobail ag baint an leas is fearr as an nGaeilge ar bhonn sóisialta, cultúrtha agus eacnamaíoch. Tá seisear ball d’Fhoireann Fhine Gall páirteach sa Chomhairle Chraiceáilte, tionscadal a thaispeánfar ar an 4ú Márta i Halla na Cathrach ag Féile na bhFéidearthachtaí atá dírithe ar mhéadú mór a dhéanamh ar líon na ndeiseanna don phobal an Ghaeilge a úsáid.  https://www.gaeilge365.ie/en/anchomhairlechraiceailte  Beimid ag cur an tionscnamh Cruthaigh chun cinn freisin a thaispeánfaidh gnólachtaí a fheidhmíonn trí Ghaeilge.

Ag labhairt faoin bhféile, dúirt Méara Fhine Gall, an Clr. Brian McDonagh: “Tá an Ghaeilge faoi bhláth i bhFine Gall agus is deis í Seachtain na Gaeilge do chách taitneamh a bhaint as an teanga dhúchais agus triail a bhaint as an Cúpla Focal. Bhí lúcháir orm an díograis agus an dearfacht i leith na Gaeilge a fheiceáil ag an imeacht líonraithe bríomhar i Halla an Chontae i mí Eanáir agus táim ag tnúth leis an díograis chéanna a fheiceáil le linn Sheachtain na Gaeilge." 

Dúirt Príomhfheidhmeannach Chomhairle Contae Fhine Gall, AnnMarie Farrelly: “Tá lúcháir orainn leanúint ar aghaidh ag tabhairt tacaíochta don Ghaeilge cibé acu tríd an tionscadal nua Gaeilge365 leis na 4 Údarás Áitiúla i mBaile Átha Cliath nó trí thionscnaimh ar nós Scéim Scoláireachtaí Gaeltachta Fhine Gall. Tá ár dteanga an-tábhachtach, agus is iontach an rud í a cheiliúradh ar bhealach spraíúil cuimsitheach leis an iliomad imeachtaí a bheidh ar siúl le linn Sheachtain na Gaeilge."

Beidh go leor imeachtaí ar siúl sna leabharlanna áitiúla ina measc ceol le Antaine Ó Faracháin agus Nollaig Mac Carthaigh i Leabharlann Mhullach Íde ar an 12ú Márta ag 6.30-7.30. Beidh Coimicí Gael le Aidan Courtney, Píosa Spraoi le Cupán Focail(s)! Spraoi le Cupán Focals!) le hÁine Gallagher, Scéalta Béaloidis le Róisin Murphy, Am Scéalaíochta Teaghlaigh le Seosamh O Maolalaí, oíche dhátheangach filíochta agus go leor eile Féach: Bróisiúr na Leabharlainne 

Ar an Déardaoin an 6ú Márta beidh an Príomh-Gharraíodóir Doiminic McKevitt agus an tOifigeach Gaeilge Bernie Kelly i gceannas ar shiúlóid dhátheangach in Ard Giolláin, Baile Brigín áit ar féidir leat comhrá a dhéanamh as Gaeilge ‘amuigh faoin aer’ i dtimpeallacht álainn. Buail le chéile os comhair an Chaisleáin (trasna ón bhfarraige) ag 11rn. Beidh Pop Up Gaeltacht in Ionad Seamus Ennis ar an 20ú Márta ag 6in agus seisiún amhránaíochta ina dhiaidh. 

Dúirt Bernie Kelly Oifigeach Gaeilge: "Tá ár dteanga dhúchais álainn timpeall orainn go léir, bíodh sí inár logainmneacha nó inár gceol nó i scannáin nua-aimseartha cosúil le Kneecap. Mholfainn do gach duine triail a bhaint as cúpla focal Gaeilge le linn Sheachtain na Gaeilge agus freastal ar chuid de na himeachtaí seo más féidir libh. Cuimhnigh, maireann teanga trí bheith á labhairt í - Beatha Teanga í a Labhairt!"

Le haghaidh tuilleadh eolais féach https://www.fingal.ie/seachtain-na-gaeilge-2025 nó déan teagmháil le: [email protected]

Chun tuilleadh eolais a fháil ar ócáid ​​Sheachtain na Gaeilge féach www.peig.ie/snag

Sonraí iomlána ar imeachtaí na leabharlainne:

Píosa Spraoi le Cupán Focail(s)!  

(Have Fun with a Cup of Focals!) le Áine Gallagher

‘Is fearr Gaeilge bhriste ná Béarla cliste’ seo é an sprioc don ceardlann seo le Áine Gallagher, aka ‘the queen of offbeat’. Is ealaíontóir í Áine agus tá sí i gconaí ag déanamh rudaí nua agus cruthaitheach cun Gaeilge a cur cun cinn agus inspioráid a thabhairt do dhaoine chun an teanga a labhairt.

San ceardlann dhá theangach seo, beidh an aidhm chun píosa spraoi a fháil agus Gaeilge a cleactadh gan brú. Má cheapann tú nach bhfuil do chuid Gaeilge ró mhaith, ach ba mhaith leat í a feabhsú, seo é an ceardlann duit.

In this fun family, pop up event, children will play games to practice their cúpla focal and turn them into a simple story. ‘Queen of Offbeat’, Áine Gallagher, uses her ‘cup of focals’ (cup full of words) to encourage people to give Irish a go, even if it’s not perfect. She lives by the saying, ‘is fearr Gaeilge briste ná Béarla cliste’ (broken Irish is better than clever English).

Fáilte roimh chách/ All welcome

Scéalta Béaloideas (Irish Legends and Folklore)

le Róisín Murphy

Deán ceiliúradh linn, le scéalaí Róisín Murphy agus a cuid scéalta tradisiúnta ó Éirinn. Oiriúnach do leanaí 7+

Storyteller Róisín Murphy delves into much loved Irish stories that have been passed down through the generations, ó lámh go lámh, ó glúin go ghlúin. This event is bilingual. Ages 7+

Chun áit a chur in áirithe, déan teagmháil leis an leabharlann a bheidh ina óstach don imeacht.

Oíche Filíochta Dhátheangach 

Join us for a Bilingual Poetry evening in Balbriggan Library to celebrate Seachtain na Gaeilge. Read a poem yourself or listen to others and have a chat. Poems in Irish or English.

Bígí linn ag Oíche Filíochta Dhátheangach i Leabharlann Bhaile Brigín chun Seachtain na Gaeilge a cheiliúradh. Léigh dán tú féin nó éist le daoine eile agus bígí ag caint. Dánta i mBéarla nó i nGaeilge

Fáilte roimh chách! Everyone welcome!

Scéalaíocht don Teaghlach

(Family Storytime) le Seosamh Ó Maolalaí

Insíonn Seosamh scéalta i mBéarla agus i nGaeilge le chéile. Bíonn an–spraoi ina chuid scéalaíochta.

Seosamh tells stories in English and Irish together. His storytelling is great fun for all the family.

Ceol & Amhránaíocht Thraidisiúnta na hÉireann (Irish Traditional Music & Singing)

le Antaine Ó Faracháin & Nollaig MacCarthaigh

Is amhránaí ins an stíl dhúchasach é Antaine Ó Faracháin a chasann i mBéarla agus i nGaeilge agus is píobaire den scoth é Nollaig Mac Cárthaigh a bhfuil an–mheas air mar cheoltóir.

Antaine Ó Faracháin sings in the native style in both Irish and English and Nollaig Mac Cárthaigh is an excellent piper who is renowned for his skills as a musician.

Coimicí Gael

le Aidan Courtney

Sa cheardlann dátheangach seo, taispeánfaidh Aidan Courtney conas stiallghreannáin a chruthú agus conas cartúin a tharraingt. Píosa spraoi cruthaitheach do gach duine!

In this bilingual workshop, Aidan Courtney will show you how to create comic strips and draw cartoons. A bit of creative fun for everyone! Ages 8+