Cas Arís É – Tá Fine Gall ag aimsiú bailte nua d'uirlisí sa phobal

Tá Comhairle Contae Fhine Gall ag tacú le mí na hAthúsáide an Deireadh Fómhair seo. Tugann mí na hAthúsáide deis dúinn a bheith cruthaitheach maidir lenár smaointeoireacht agus deiseanna a aithint chun ábhair a athúsáid a bhféadfadh fáil réidh leo murach sin.

In Ionad Athchúrsála an Inbhir agus Ionad Athchúrsála Chúil Mhín, táimid ag bailiú ar bhonn gníomhach uirlisí a bhfaightear réidh leo agus táimid ag nascadh iad le háiteanna agus eagraíochtaí a bhfuil uirlisí ag teastáil uathu.  Faighimid uirlisí go rialta a raibh grá orthu roimhe sin agus a bhfuil baile nua ag teastáil uathu, cosúil le giotáir, fidleacha, foirne drumaí, ucailéilí agus a thuilleadh nach iad. Cuirimid bail orthu ionas gur féidir iad a chasadh agus bailímid iad lena leithdháileadh.

Bhí Rannóg Comhshaoil Fhine Gall ag dul i gcumarsáid le heagraíochtaí cosúil le Grúpaí na mBailte Slachtmhara i Sord a rinne na huirlisí seo a phéireáil le scoileanna áitiúla. In éineacht le Sinéad Fox, Oifigeach Feasachta Comhshaoil, tá Comhairle Contae Fhine Gall ag lorg eagraíochtaí deonacha a bhféadfadh uirlisí den chineál sin a bheith ag teastáil uathu mar chuid dá seirbhísí. Ba mhaith linn cloisteáil ó eagraíochtaí cosúil le hIonaid Óige agus Teaghlaigh, Ionaid Uathachais nó tithe cónaithe le haghaidh Andúile - gach cineál eagraíochta a bhféadfadh meascán uirlisí a bheith ag teastáil uathu. Is tionscnamh iontach é seo a thugann aghaidh ar Chosc ar Dhramhaíl agus a thugann ar ais don Phobal.

Má tá tú ar an eolas maidir le haon áit a mbainfeadh úsáid as na huirlisí sin, seol ríomhphost chuig [email protected] .

Críoch

Le haghaidh tuilleadh eolais pre%[email protected] " rel="nofollow"> [email protected]

Teideal an ghrianghraif: Oifigeach Feasachta Comhshaoil, in éineacht le daoine ó Bhailte Slachtmhara Shoird, ag tabhairt uirlisí do dhaltaí ó Choláiste Pobail Fhine Gall.