Cuireann Aoisbhá Éireann comhairle agus treoir ar fáil don daonra breacaosta

Rinne na príomhshiopaí, ar nós SuperValu, Tesco, Lidl agus siopaí eile amanna nach féidir ach le custaiméirí breacaosta siopadóireacht a dhéanamh ina siopaí. Idir 9am agus 11am iad na huaireanta seo lena chinntiú go mbíonn stoc ar na seilfeanna mar gheall go mbíonn daoine breacaosta imníoch faoi na daoine siúd a bhfuil stoc-charnadh á dhéanamh acu.  Thug siad marcálacha urláir isteach freisin chun cloí leis na moltaí scartha shóisialta 2 mhéadar.  Chinntigh siad go gcuirtear teorainneacha ar an méid earraí a cheannaítear mar fhregairt do stoc-charnadh. Tá níos mó seachadtaí baile á ndéanamh ar leibhéal áitiúil ag siopaí níos lú, go háirithe seirbhísí bunriachtanacha ar nós oideas ó chógaslanna. Leanann bialanna áitiúla (ar dúnadh go leor díobh go sealadach) le béilí a chócaráil do dhaoine breacaosta agus le hiad a sheachadadh sa phobal

Thug An Post uaireanta oscailte sínte isteach agus d’oibrigh sé leis an Roinn Coimirce Sóisialaí chun “Gníomhairí Sealadacha” éigeandála a thabhairt isteach ar féidir leo pinsin a bhailiú thar ceann na ndaoine siúd a bhfuil féinleithlisiú á dhéanamh acu

Rinne an Garda Síochána 200 feithicil teagmhais a chur chun feidhme lena chur ar chumas oifigigh póilíneachta pobail soláthairtí a sheachadadh do dhaoine breacaosta agus cuairt a thabhairt orthu siúd is mó atá aonraithe agus nach bhfuil struchtúr tacaíochta i bhfeidhm acu. Ina theannta sin, rinne siad an próiseas grinnfhiosrúcháin a luathú lena chinntiú gur féidir le hoibrithe deonacha a phróiseáil lena chur ar a gcumas chun obair dheonach a dhéanamh ar leibhéal áitiúil go háirithe maidir le rudaí bunriachtanacha, ar nós béilí ar rothaí agus rudaí eile

Impíodh go náisiúnta ar fhoireann chúraim sláinte a d’imigh ar scor (dochtúirí, altraí) chun filleadh ar an obair. Sheol an Taoiseach Leo Varadkar tionscnamh “Bí ar glao-dhualgas d’Éirinn” oíche Dé Luain agus fuarthas 24,000 iarratas inné

Iarradh ar bhainc chun táillí a chur ar fionraí a ghearrtar ar íocaíochtaí gan tadhall agus an tairseach d’idirbhearta a ardú aníos ó €30 go €50.  Tá pacáiste á sholáthar acu, chomh maith, chun aisíocaíochtaí ar mhorgáistí agus iasachtaí a reo ar feadh 3 mhí chun tacú leo siúd a chaill a bpoist. Tá pacáiste á sholáthar acu, i gcomhthráth, do ghnólachtaí beaga ar cuireadh iallach orthu dúnadh.  Tacaíocht a bheidh ann seo a chuirfear ar fáil do go leor daoine breacaosta atá ag oibriú go fóill nó a bhfuil a ngnólachtaí beaga féin a reáchtáil acu go fóill

Tá glaonna á gcur, ar leibhéal áitiúil, ag clubanna spóirt, grúpaí pobail agus grúpaí eile ar dhaoine breacaosta go rialta agus tá a siopadóireacht á bailiú agus á tabhairt chuig a ndoirse acu. Tacaíocht shárluachmhar atá sa teagmháil laethúil seo do na míle duine ar fud na hÉireann

Thug oibrithe cúram sláinte an tsaincheist chun solais ina bhfuil clampaí á gcur ar a bhfeithiclí, go háirithe i ngar d’áiteanna oibre (ospidéil, ionaid chúraim phríomhúil etc.). Tá clampáil curtha ar fionraí anois agus rinneadh an fhoireann chlampála a imlonnú chun siopadóireacht agus soláthairtí a sheachadadh do dhaoine breacaosta

Tá méid ollmhór de chláir ghníomhaíochta coirp ag aistriú ranganna atá bunaithe i halla gleacaíochta go dtí ranganna atá bunaithe sa bhaile agus iad a chur ar fáil do dhaoine breacaosta trí Facebook agus ardáin ar líne. Baineann tábhacht ar leith leis seo i measc daoine breacaosta ar mian leo leanúint de bheith gníomhach go fisiciúil

Tá Aifreann á léiriú gach lá ag RTÉ do dhaoine breacaosta nach féidir leo freastal ar an séipéal ar bhonn laethúil.