Fine Gall chun leas a bhaint as comhiarracht chun geilleagar a threisiú idir Baile Átha Cliath agus Béal Feirste

Bunaíodh comhpháirtíocht trasteorann nua chun fás eacnamaíoch a chothú ar an bpríomhbhealach straitéiseach idir Baile Átha Cliath agus Béal Feirste, d’fhógair foireann tionscnaimh pholaitiúil Bhéal Feirste tionscnaimh a chabhróidh le deiseanna fostaíochta a chothú, aghaidh a thabhairt ar bhacainní a théann i bhfeidhm ar thrádáil agus bonneagair iompair níos fearr a sheachadadh.

Toghadh an Comhairleoir Pete Byrne ó Chomhairle Dúiche an Iúir, na Múrna agus an Dúin i dTuaisceart Éireann mar Chathaoirleach ar Bhord Maoirseachta Chonair Eacnamaíoch Bhaile Átha Cliath-Bhéal Feirste (DBEC), comhlacht ar a bhfuil comhairleoirí as na hocht údarás áitiúla feadh na conaire. Ainmníodh Méara Fhine Gall, an Comhairleoir Seána Ó Rodaigh, mar Leas-Chathaoirleach.

Ag labhairt ag an gcéad chruinniú de Bhord Maoirseachta DBEC, dúirt an Leas-Chathaoirleach agus Comhairleoir Seána Ó Rodaigh: “In éineacht leis na buntáistí sóisialta agus eacnamaíocha follasacha a bhaineann le comhoibriú trasteorann níos dlúithe d’fhonn an dorchla a fhorbairt, is é an rud atáimid ag iarraidh cabhrú le tiomáint ná infheistíocht isteach níos mó, deiseanna trádála a chothúdo ghnólachtaí áitiúla, táirgeacht a mhéadú in earnálacha lárnacha, agus fostaíocht níos airde. Beidh sé seo ag méadú i gcónaí de réir mar a leanann an daonra ar feadh na conaire ag fás.’’

Ag fáiltiú roimh na ceapacháin nua, dúirt Príomhfheidhmeannach Chomhairle Contae Fhine Gall, AnnMarie Farrelly: Ó seoladh DBEC níos luaithe i mbliana tá go leor comhoibrithe ar siúl idir comhairlí chun a chinntiú gur féidir linn leas a bhaint as an tacaíocht a fuair an tionscnamh seo ó gach leibhéal den Rialtas. Tá Fine Gall i riocht láidir chun leas a bhaint as an gcomhiarracht chun an phríomhchonair eacnamaíoch seo a chur ar aghaidh, agus táimid ag obair chun deiseanna nua a shainaithint a chabhróidh le nascacht a threisiú, nuálaíocht a chumasú, poist a ghiniúint agus fás socheacnamaíoch a chothú.’’

Dúirt Cathaoirleach nua DBEC, an Comhairleoir Pete Byrne: “Tá deis dáiríre againn trí obair DBEC chun poist agus fás inbhuanaithe a sholáthar ar feadh píblíne mhór eacnamaíochta don oileán ar fad. Tá réimse leathan agus éagsúil earnálacha ann agus líon mór gnóthas ar féidir linn cabhrú leo fás, bíodh sé san Agraibhia, seirbhísí airgeadais, turasóireacht, déantúsaíocht ardteicneolaíochta nó i dtógáil.’’

Mar chuid dá n-iarrachtaí tairiscint réigiúnach d’fhás eacnamaíoch a fhorbairt, d’fhostaigh DBEC príomhchomhairleoirí KPMG chun tabhairt faoi obair a chabhróidh le plean forbartha a sheachadadh chun réimsí tosaíochta comhair a aithint idir na comhairlí agus na rudaí a d’fhéadfadh DBEC a dhéanamh chun athghiniúint eacnamaíochta a spreagadh ar fud limistéar na conaire.’’

Seoladh comhpháirtíocht DBEC níos luaithe i mbliana agus tagann baill ó cheithre chomhairle ar gach taobh den teorainn. Tá 24 comhairleoir ann a shuíonn ar an mBord Maoirseachta, trí cinn acu ag teacht ó na hocht gcomhairle atá páirteach: Cathair Ard Mhacha, Comhairle Droichead na Banna agus Comhairle Buirge Creag Abhann; Comhairle Cathrach Bhéal Feirste; Comhairle Cathrach Bhaile Átha Cliath; Comhairle Contae Fhine Gall; Comhairle Cathrach Lios na gCearrbhach agus an Chaisleáin Riabhaigh; Comhairle Contae Lú; Comhairle Contae na Mí; agus Comhairle Dúiche an Iúir, na Múrna agus an Dúin.

Cuimsíonn an chomhpháirtíocht Ollscoil Chathair Bhaile Átha Cliath agus Ollscoil Uladh, a chomhoibrigh chun an tuarascáil a tháirgeadh a d’fhág gur bunaíodh an grúpa i mí an Mhárta i mbliana.

Faoi láthair tá thart ar dhá mhilliún duine ina gcónaí sna hocht gceantar comhairle a dtéann an dorchla eacnamaíoch tríd, ach táthar ag tuar go bhfásfaidh a daonra níos gasta ná áiteanna eile ar fud oileán na hÉireann. Tá tuartha ann go sroichfidh an daonra iomlán 2.5 milliún faoi 2040, rud a thabharfaidh daonra níos óige agus níos éagsúla leis.