Foilsíonn Comhairle Contae Fhine Gall Dréachtphlean Ceantair Áitiúil do Bhaile an Phléimeannaigh, Baile Brigín

Tá Dréachtphlean Ceantair Áitiúil (PCÁ) ullmhaithe ag Comhairle Contae Fhine Gall do Bhaile an Phléimeannaigh, Baile Brigín. Sa phlean seo, leagtar amach fís d’fhorbairt an cheantair le béim láidir ar inbhuanaitheacht fhadtéarmach, laghdú ar astaíochtaí carbóin, agus cosaint na timpeallachta nádúrtha.

Tá sé mar aidhm ag an Dréacht-PCÁ comharsanacht chónaithe bhríomhar nua a bhunú i mBaile an Phléimeannaigh, ag cruthú pobal inbhuanaithe atá ionchuimsitheach agus inrochtana do dhaoine de gach aois agus cumas. Díronn an plean ar raon leathan roghanna tithíochta a sholáthar, spásanna taitneamhachta d’ardchaighdeán, agus timpeallacht uirbeach atá éasca le húsáid agus taisteal tríd do gach duine.

Breathnú ar an Dréacht-PCÁ

Tá na doiciméid Dréacht-PCÁ ar fáil don phobal le breathnú orthu ag na suíomhanna seo a leanas le linn a n-uaireanta oscailte faoi seach:

• Oifigí Chomhairle Contae Fhine Gall:
  
  Bóthar an Gharráin, Baile Bhlainséir, Baile Átha Cliath 15
  
  Áras an Chontae, An Phríomhshráid, Sord, Co. Bhaile Átha Cliath
• Leabharlann Bhaile Brigín:
  
  Cearnóg Sheoirse, Baile Brigín, Co. Bhaile Átha Cliath

Is féidir teacht ar na doiciméid ar líne freisin trí thairseach na Comhairle Contae ag: https://consult.fingal.ie/en/browse

Aighneachtaí agus Tuairimí Poiblí

Tá aighneachtaí agus tuairimí á lorg ag Comhairle Contae Fhine Gall ar an Dréacht-PCÁ ó Dé Máirt, an 10ú Meán Fómhair 2024, go dtí Dé Máirt, an 22ú Deireadh Fómhair 2024. Is féidir le baill den phobal aiseolas a sholáthar trí na modhanna seo a leanas:

• Ar líne:
  
  https://consult.fingal.ie/en/browse
• I scríbhinn:
  
  An tOifigeach Sinsearach Feidhmiúcháin
  
  An Roinn Pleanála agus Bonneagair Straitéisigh 
  
  Comhairle Contae Fhine Gall
  
  Áras an Chontae, An Phríomhshráid, Sord, Co. Bhaile Átha Cliath, K67 X8Y2

Ba cheart aighneachtaí a dhéanamh trí mheán amháin (ar líne nó i scríbhinn).

Imeacht Faisnéise Poiblí

Beidh imeacht faisnéise poiblí ar siúl in Ionad Pobail Bhaile an Phléimeannaigh, Lána na Gráige, Baile Brigín, Dé Céadaoin, an 18ú Meán Fómhair 2024, ó 4:00 i.n. go 7:00 i.n. Fáiltíonn Comhairle Contae Fhine Gall roimh gach ball den phobal agus roimh ghrúpaí