Fuair an pobail cuireadh chun deis labhartha a bheith aige faoin bPáirc Réigiúnach Ghleann Abhainn an Bharda

D’fhógair an Chomhairle le déanaí go bhfuil siad ag féachaint le Páirc Réigiúnach Ghleann Abhainn an Bharda a bheadh feabhsaithe go mór a chruthú, a chlúdóidh limistéar 80 heicteár (200 Acra) idir lár bhaile Shoird agus Droichead Chnoc Siáin. Measann an Chomhairle go gcabhróidh seachadadh Thionscadal na Páirce Réigiúnacha le freastal ar éilimh dhaonra atá ag fás sa bhaile contae chomh maith le áit tarraingteach a sholáthar do chuairteoirí chuig Sord.

Dúirt Kevin Halpenny, Stiúrthóir Sinsearach Páirce i gComhairle Contae Fhine Gall: "Tá sé an-tábhachtach ionchur a fháil ónár bpobal ar fad agus muid ag féachaint le feabhsaithe straitéiseacha a dhéanamh ar Pháirc Réigiúnach Ghleann Abhann an Bharda chun áis phoiblí a sholáthar a fhreastalaíonn ar riachtanais gach duine. Tá an-fhonn orainn oibriú le cónaitheoirí, gnólachtaí agus grúpaí áitiúla agus muid ag iarraidh an pháirc a athrú go hiomlán. Ba mhaith liom gach duine a spreagadh le bheith páirteach agus cabhrú linn feabhas a chur ar an bpáirc a bheidh ról ar leith agus tábhachtach aige inár mbaile contae."

Cuirfear tús leis an gcéad chéim den chomhairliúchán poiblí Dé Sathairn, 8 Deireadh Fómhair, le ceardlann deartha idirghníomhach a bheidh ar siúl in Ionad Pobail Ghleann na hAbhann ó 1pm go 4pm, áit a dtabharfar cuireadh don phobal bualadh leis an bhfoireann dearaidh agus a gcuid eolais áitiúil a roinnt agus smaointe tosaigh ar thodhchaí na páirce.

Tá suirbhé gairid pobail ar fáil ar líne go dtí Dé Domhnaigh, 16 Deireadh Fómhair, chun cabhrú leis an gcomhairle tuairimí tosaigh a bhailiú ar an pháirc, agus is féidir le haon duine a bhfuil suim acu freastal ar ceardlanna tuilleadh eolais a fháil ar: https://www.fingal.ie/WardRiverRegionalPark.