Iarratais oscailte ar Dheontas Atosaithe chun cabhrú le micrea-ghnóthais agus le gnóthais bheaga Fhine Gall

Caithfidh na gnólachtaí i bhFine Gall a chomhlíonann na gcritéar don Deontas Atosaithe iarratas a chur isteach air i gComhairle Contae Fhine Gall. Ní mór na hiarratais a chur isteach ar líne ag https://submit.link/E5RPF agus tá sonraí na scéime ar fáil freisin ar shuíomh gréasáin Chomhairle Contae Fhine Gall, www.fingal.ie/business .

Beidh an Deontas comhionann le bille rátaí an ghnólachta don bhliain 2019, agus is ionann an íocaíocht íosta agus an íocaíocht uasta agus €2,000 agus €10,000, faoi seach.

Beidh sé ar fáil do ghnólachtaí a bhfuil láimhdeachas níos lú ná €5m acu, nach bhfuil thar 50 duine fostaithe acu, agus a bhí dúnta síos nó a raibh laghdú 25% ar a laghad ar ioncam an ghnólachta idir an 1 Aibreán, 2020 agus an 30 Meitheamh, 2020. Téann sé i dtreo na costais a ghlanadh a bhaineann le gnólacht a athoscailt nó a choinneáil ag feidhmiú agus le ceangail nua a dhéanamh leis na fostaithe agus na custaiméirí araon.

D’fhonn a chinntiú go bhfaighidh na cuideachtaí incháilithe sin ag a bhfuil an gá is mó dul ar ais i mbun oibre an tacaíocht deontais a luaithe agus is féidir, beidh an deontas ailínithe le Treochlár an Rialtais um an Athoscailt. Táthar ag moladh do na gnóthais incháilithe a lean orthu a bheith oscailte le linn na géarchéime, chomh maith leis na gnólachtaí siúd atá ag athoscailt le linn Chéim 1 (ón 18 Bealtaine) agus le linn Chéim 2 (8 Meitheamh) de Threochlár Chun an tSochaí agus an Ghnó a Athoscailt atá curtha amach ag an Rialtas, iarratas a dhéanamh anois ar an Deontas Atosaithe. Tabharfar tús áite íocaíocht a dhéanamh leis na hiarratais sin. Iarrtar ar ghnólachtaí eile fanacht go cionn cúpla seachtaine, go dtí go mbeidh a ngnólacht le hathoscailt, a n-iarratas a chur isteach.

Dúirt Méara Fhine Gall An Clr. Eoghan O'Brien: “Am deacair dúshlánach atá ann do ghnólachtaí beaga ar fud Fhine Gall agus is féidir leis an Deontas Atosaithe cabhrú leo dul ar ais i mbun oibre arís. Tá íobairtí móra déanta ag na gnóthais seo chun a gcuid fostaithe agus custaiméirí a chosaint le linn COVID-19 agus anois teastaíonn uathu an oiread cúnaimh is gur féidir thabhairt dóibh. "

Dúirt AnnMarie Farrelly, Príomhfheidhmeannach Chomhairle Contae Fhine Gall: “Tá an-áthas ar fad orm go bhfuil an Ciste Atosaithe curtha ar fáil anois chun cabhrú lenár ngnólachtaí athoscailt agus lena bhfostaithe filleadh ar ais ar an obair. Nuair a bheidh an tacaíocht seo nasctha le cinn eile a bheidh curtha i bhfeidhm, lena n-áirítear an tarscaoileadh rátaí tráchtála trí mhí do ghnólachtaí a raibh orthu dhúnadh suas, bheidh sé de thacú le fiontair bheaga agus le micrifhiontair ar fud Fhine Gall a gcuid oibríochtaí a chur ar ais i mbun feidhme agus cuirfidh sé leis an fhostaíocht agus leis an gníomhaíocht eacnamaíochta inár bpobail."

Dúirt Stiúrthóir Fiontraíochta Eacnamaíochta agus Forbartha Turasóireachta Chomhairle Contae Fhine Gall, Emer O’Gorman: “Tá a lán gnólachtaí ann a bhfuil costais á dtabhú acu, fiú agus iad dúnta suas, lena n-áirítear costais sheasta, gan a bheith in ann aon ioncam a thabhairt isteach. Tá suntas déanta de na costais a dtabhófar ar ghnóthais chun ullmhú le hathoscailt agus chun freastail ar riachtanais a bhfostaithe a gcustaiméirí araon, freisin. Is éard is cuspóir an Deontais Atosaithe ná an brú atá ar ghnólachtaí mar gheall ar na cúinsí seo a mhaolú. "

Braithfidh próiseáil na n-iarratas ar an Deontas Atosaithe agus íocaíocht an Deontais Atosaithe ar an méid iarratas a fhaightear ag tosach ach tabharfar tús áite do na hiarratais, a oiread is gur féidir, de réir na dátaí atá beartaithe don athoscailt sa Treochlár náisiúnta.

Chun leas a bhaint as an Deontas Atosaithe:  

1. Ní mór gur lú láimhdeachas an ghnólachta agus €5m agus nach mó líon fostaithe ann ná 50 duine.
2. Caithfidh an gnólacht a bheith thíos faoi le caillteanas réamh-mheasta de 25%+ san ioncam idir an 1 Aibreán 2020 agus an 30 Meitheamh 2020.  
3. Caithfidh an gnóthas tiomantas a thabhairt go bhfanfaidh sé oscailte nó go bhfuil sé chun oscailt arís más rud é go ndúnadh é.  Ní mór don ghnólacht dearbhú a thabhairt chomh maith sa chás go bhfuil sé ar intinn aige fostaithe a choinneáil atá ag baint leasa as an Scéim Fóirdheontais Pá Sealadaigh (TWSS).
4. Ba cheart do na gnólachtaí na cáipéisí tacaíochta a choinneáil mar is féidir spotseiceálacha a dhéanamh chun cinnte a dhéanamh de go bhfuil a leithéid de dhearbhú ann.

Téann an deontas i dtreo na costais a ghlanadh a bhaineann le gnólacht a athoscailt nó a choinneáil ag feidhmiú agus le ceangail nua a dhéanamh leis na fostaithe agus na custaiméirí araon. Is féidir an deontas a úsáid chun costais sheasta leanúnacha a íoc, m.sh. fóntais, an t-árachas, costais athchóirithe nó bearta atá glactha chun sábháilteacht na bhfostaithe agus na gcustaiméirí a chinntiú.

Tá an tacaíocht deontais dhíreach seo mar chuid den phacáiste níos leithne de €12bn de thacaíochtaí Rialtais do ghnólachtaí, idir cinn mhóra agus cinn bheaga araon, lena n-áirítear deontais, iasachtaí ar chostas íseal, rátaí tráchtála a bheith díscríofa agus dliteanais chánach iarchurtha, agus beidh gach aon cheann acu sin de chuidiú chun feabhas a chur leis an sreabhadh airgid i measc na FBManna.

Ag seo a leanas, na Catagóirí Gnó, bunaithe ar Treochlár an Rialtais chun an geilleagar a athoscailt ar bhonn céimnithe: