Lorgaíonn Comhairle Contae Fhine Gall fiosrúcháin mhargaíochta do sheirbhísí Maor Madraí agus Dídean Madraí
Chuir Comhairle Contae Fhine Gall tús le próiseas fiosrúcháin mhargaíochta a fhágfaidh go n-eiseofar tairiscint chun seirbhísí Maor Madraí agus Dídean Madraí a sholáthar don chontae ó Mheán Fómhair 2021 ar feadh tréimshe ceithre bliana.
Foilsíodh Iarratas ar Fhaisnéis (RFI) inniu (Dé Céadaoin) ar rThairiscintí. Is áis lárnach í an tairseach rThairiscintí do gach údarás conarthach san earnáil phoiblí chun deiseanna soláthair a fhógairt agus is pointe tagartha lárnach é do sholáthraithe ionchasacha agus do sholáthraithe seirbhíse.
Eisíodh an RFI chun soláthraithe seirbhíse a chur ar an eolas go bhfuil cleachtadh Fiosrúchán Margaíochta ar bun anois chun tuairimí oibreoirí margaíochta a lorg ar chur chuige féideartha a d’fhéadfadh Comhairle Contae Fhine Gall a ghlacadh i bpróiseas tairisceana chun seirbhís Maor Madraí agus Dídean Madraí a sholáthar ar fud Fhine Gall. Féachfaidh an cleachtadh seo le measúnú a dhéanamh ar chumas an mhargaidh an dá sheirbhís a sheachadadh ar leithligh nó mar sheirbhís uilechuimsitheach.
Faoi láthair feidhmítear seirbhísí Maor Madraí agus Dídean Madraí faoi shocrú réigiúnach leis na trí Údarás Áitiúla eile i mBaile Átha Cliath agus tá na conarthaí reatha le dul in éag ag deireadh mhí Lúnasa.
Tar éis athbhreithniú a dhéanamh ar a socruithe Maor Madraí agus Dídean Madraí, tá cinneadh déanta ag Comhairle Contae Fhine Gall a socrú neamhspleách féin a bhunú chun na seirbhísí seo a sholáthar.
Bhunaigh Coiste Beartais Straitéiseach Gníomhaíochta Aeráide, Bithéagsúlachta agus Comhshaoil na Comhairle fochoiste chun riachtanais leasa laistigh den tairiscint nua a scrúdú. Dúirt Méara Fhine Gall, An Comhairleoir David Healy, atá ina chathaoirleach ar an SPC seo, go raibh tionchar ag a gcuid oibre ar an gcinneadh diúltú don chonradh réigiúnach.
“D’oibrigh an Fochoiste le Tréidlianna agus le daoine eile chun tacar láidir riachtanas leasa madraí a dhréachtú agus beidh siad seo ina gcuid lárnach d’aon chonradh chun seirbhísí Maor Madraí agus Dídean Madraí a sholáthar. Tá pointe bainte amach againn anois ina bhfuil gá ag Fine Gall na seirbhísí tábhachtacha seo a sholáthar é féin mar go mbeidh maoirseacht níos mó agus torthaí níos fearr mar thoradh orthu,” a dúirt an Comhairleoir Healy.
Dúirt Stiúrthóir Comhshaoil, Gníomhaíochta ar son na hAeráide agus Taistil Ghníomhach Chomhairle Contae Fhine Gall, David Storey: “Tá súil againn go mbeidh rannpháirtíocht mhaith lenár gcleachtadh fiosrúcháin mhargaíochta mar go dtabharfaidh sé léargas dúinn ar chumas na soláthraithe na seirbhísí atá á lorg againn a sholáthar.”
Is féidir an Fógra Iarratais ar Fhaisnéis a fheiceáil ag https://irl.eu-supply.com/ctm/Supplier/PublicPurchase/181869