Lorgaíonn Comhairle Contae Fhine Gall tuairimí an phobail maidir le rialtas áitiúil digiteach

Lorgaíonn Comhairle Contae Fhine Gall tuairimí an phobail maidir le rialtas áitiúil digiteach

Tá straitéis náisiúnta nua á húsáid chun todhchaí na seirbhísí digiteacha sa rialtas áitiúil a threorú. Larrtar ar an bpobal aiseolas a fháil maidir le conas feabhas a chur ar sheirbhísí digiteacha

Ba mhaith le húdaráis áitiúla lena n-áirítear Comhairle Contae Fhine Gall tuiscint a fháil ar an gcaoi a n-úsáideann tú seirbhísí digiteacha agus ar líne faoi láthair agus ar an gcaoi ar mhaith leat seirbhísí digiteacha rialtais áitiúil a úsáid amach anseo.

Tá Straitéis nua Dhigiteach agus TFC á cruthú don rialtas áitiúil. Tá sé mar aidhm ag an straitéis seo cumhacht dhigiteach a úsáid chun feabhas a chur ar an gcaoi a n-oibríonn údaráis áitiúla, agus seirbhísí a sholáthar ar bhealaí atá níos fearr don phobal agus do ghnólachtaí.

Ba mhaith le húdaráis áitiúla cloisteáil ón bpobal agus ó ghnólachtaí chun tuiscint níos fearr a fháil ar a gcuid riachtanas agus chun cabhrú le bonn eolais a chur faoi Straitéis nua Dhigiteach agus TFC de chuid an Rialtais Áitiúil.

Cuideoidh torthaí an tsuirbhé le húdaráis áitiúla:

• Seirbhísí rialtais áitiúil ar líne níos fearr a sholáthar;
• Pleanáil do thodhchaí na teicneolaíochta digití agus TFC sa rialtas áitiúil;
• Tuiscint a fháil ar cad a oibríonn go maith do bhaill an phobail nó do ghnólachtaí; agus,
• Tuiscint a fháil ar an áit a gcaithfimid níos mó a dhéanamh chun cabhrú le daoine seirbhísí rialtais áitiúil ar líne a úsáid agus rochtain a fháil orthu.

Is féidir an suirbhé a chomhlánú ar líne ag www.lgma.ie.

Beidh an comhairliúchán ar siúl ar feadh díreach os cionn trí seachtaine agus tá an dáta deiridh sceidealaithe le haghaidh Dé hAoine an 11 Lúnasa 2023.

Agus é ag tathant ar an bpobal agus ar ghnólachtaí i bhFine Gall páirt a ghlacadh sa suirbhé, dúirt Ceannasaí na Seirbhísí Digiteacha, Fergus Healy, “Beidh tionchar mór ag an straitéis Dhigiteach agus TFC don rialtas áitiúil ar an gcaoi a n-oibríonn údaráis áitiúla agus a soláthraíonn siad seirbhísí. Gabhfaimid guth ár gcustaiméirí chun bonn eolais a chur faoi dhearadh agus sheachadadh Claochlú Digiteach atá dírithe ar an gcustaiméir. Tá deiseanna ollmhóra ag baint le cúrsaí digiteacha agus TFC agus ba mhaith linn leas a bhaint astu chun leasa gach duine sa tsochaí. Mar sin, abair do chuid mar gheall ar an straitéis thábhachtach seo."