Méara nua tofa tar éis don Chomhairle buaileadh den chéad uair

Tháinig an 40 ball nuathofa de chuid Chomhairle Contae Fhine Gall le chéile den chéad uair nuair a reáchtáladh Cruinniú Bliantúil na Comhairle ag Áras an Chontae i Sord.

Bhí 12 aghaidh nua i seomra na Comhairle, agus an Cruinniú Bliantúil ag teacht díreach coicís tar éis na toghcháin áitiúla a bheith ar siúl. Beidh siad i dteannta an 28 Comhairleoir a bheidh ag filleadh mar ionadaithe poiblí mhuintir Fhine Gall sna cúig bliana atá amach romhainn. 

Toghadh an Comhairleoir Brian McDonagh (Páirtí an Lucht Oibre, Binn Éadair-Mullach Íde) mar mhéara nua Fhine Gall ag an CGB, agus toghadh an Comhairleoir JK Onwumereh (Fianna Fáil, Baile Bhlainséir-Mullach Eadrad) mar Leas-Mhéara. 

Is cónaitheoir sona as Port Mearnóg é an Comhairleoir McDonagh a toghadh ar an gComhairle den chéad uair i 2014. Tá cúlra gairmiúil aige sa Teicneolaíocht Faisnéise agus sa pholaitíocht, agus tá Gaeilge líofa aige. Dúirt Méara nua Fhine Gall go n-áireofaí ar na tosaíochtaí atá aige saincheisteanna tithochta, seirbhísí pobail, taisteal gníomhach agus bonneagar pobail a sheachadadh. 

 

Dúirt McDonagh gurbh onóir é a bheith tofa mar an chéad Mhéara ar théarma cúig bliana na Comhairle seo. 

“Táim thar a bheith bródúil as ionadaíocht a dhéanamh ar Chontae atá chomh ilghnéitheach ó thaobh cultúir de leis an gceann atá againn, go háirithe toisc go bhfuil sí fós ar cheann de na réigiúin is mó fáis sa tír ó thaobh daonra agus geilleagair de.Mar ghrúpa Comhairleoirí, tá eispéiris shaoil éagsúla agus meascán stuama de chúlraí gairmiúla agus scileanna againn go léir. Táim ag tnúth le dul i mbun oibre anois lena chinntiú go bhfuilimid ag seachadadh na seirbhísí atá tuillte ag muintir Fhine Gall. 

"Ba mhaith liom a rá freisin cé chomh lúcháireach is atá mé go bhfuil an Comhairleoir JK Onwumereh mar Leas-Mhéara toisc go ndéanann sé ionadaíocht ar son na hÉireann nua."

 

Ag an gcruinniú, ghabh na Comhairleoirí nua buíochas leis na Comhairleoirí roimhe seo as a dtiomantas don phobal le cúig bliana anuas.

Le seachtar comhairleoirí an ceann, tá Fine Gael agus Páirtí an Lucht Oibre ar na páirtithe is mó sa Chomhairle nua agus tá seachtar comhairleoirí ann freisin nach bhfuil baint acu le haon pháirtí. Tá seisear comhairleoirí ag Fianna Fáil, ceathrar ag Sinn Féin, agus tá beirt an ceann ag Aontú, Na Daonlathaithe Sóisialta agus an Comhaontas Pobal seachas Brabús. Tá comhairleoir amháin an ceann ag trí pháirtí, Independents4Change, an Comhaontas Glas agus an Páirtí Náisiúnta.