Osclaíonn raon nua Foghlaim Conas Rothaíocht i mBaile Bhlainséir

Osclaíodh an chéad raon Foghlaim Conas Rothaíocht i bhFine Gall, agus d’fháiltigh Méara Fhine Gall, an Comhairleoir Brian McDonagh roimh an bpobal áitiúil chuig an áis nua i mBaile Átha Cliath 15.

I láthair freisin bhí comhairleoirí áitiúla, chomh maith le húsáideoirí seirbhísí ó Ghrúpa Míchumais Avista a bhain leas as rothar tandaim cathaoir rothaí na Comhairle agus naíonáin ó Chúrsa Cairde Rothar Cothromaíochta na Comhairle a léirigh a scileanna rothaíochta nua.

Bainfear úsáid as an áis, atá suite i bPáirc na Mílaoise, Baile Bhlainséir, le haghaidh cleachtadh rothaíochta do gach ball don phobal agus tá sé oiriúnach do dhaoine de gach aois agus cumas. Cumasaíonn an raon Foghlaim Conas Rothaíocht, ina bhfuil marcanna bóthair agus timpealláin, a chuid úsáideoirí chun rothaíocht de réir rialacha an bhóthair. 

Deir Méara Fhine Gall, an Comhairleoir Brian McDonagh: ‘Is áis iontach nua í seo don phobal áitiúil. Ligeann sé do gach úsáideoir rothair, cíbe acu tosaitheoirí nó iad siúd a bhfuil níos mó taithí acu, a scileanna a chleachtadh ar raon saintógtha. Bhí fíoráthas orm leanaí 2- agus 3 bliana d’aois a fheiceáil ar rothair chothromaíochta, ar bealach iontach iad do leanaí a scileanna rothaíochta a fhoghlaim. Cabhróidh sé seo leo níos déanaí a bheith muiníneach agus sábháilte agus iad ag rothaíocht ar an mbóthar.

‘Táimid ag súil le fáilte a chur roimh úsáideoirí rothair de gach cumas chun úsáid a bhaint as an raon rothar easbhóthair seo a chuirfidh le d’eispéireas spraoiúil inár bpáirceanna’.

Deir David Storey, Stiúrthóir Taistil Ghníomhaigh agus Spóirt Fhine Gall: ‘Cuirfidh an raon nua Foghlaim Conas Rothaíocht seo ar chumas leanaí agus daoine fásta a gcuid rothaíochta a chleachtadh i dtimpeallacht spraoiúil shábháilte. Ligeann sé do gach úsáideoir scileanna nua a fhoghlaim agus cur lena muinín. Úsáidfear an raon seo freisin do na cláir oideachais rothaíochta a dhéanann Rannóg Taistil Ghníomhaigh Chomhairle Contae Fhine Gall.’

Tá an dara raon Foghlaim Conas Rothaíocht á shuiteáil sa pháirc in aice le Bóthar Bhaile Breacáin, Sord agus tá oibreacha ar bun ag an suíomh seo faoi láthair. Cuirfidh sé seo go mór leis an gceantar toisc go mbeidh sé suite in aice leis an scoil náisiúnta ag Naomh Crónáin a bhain leas as Scéim Bealaí Sábháilte chun na Scoile le déanaí.