Príomhbhailte i bhFine Gall le leas a bhaint as uasghráduithe fógartha ag Iarnród Éireann
Tá fáilte curtha ag Comhairle Contae Fhine Gall roimh nuacht go gcuirfear tús le tógáil áiseanna mear-luchtaithe ag Stáisiún Dhroichead Átha do thraenacha nua DART+ i mbliana, toisc go gcabhróidh seachadadh na bpríomh-oibreacha bonneagair le hacmhainn agus seirbhísí méadaithe a sholáthar do phaisinéirí.
Príomhbhailte i bhFine Gall le leas a bhaint as uasghráduithe fógartha ag Iarnród Éireann
Tá fáilte curtha ag Comhairle Contae Fhine Gall roimh nuacht go gcuirfear tús le tógáil áiseanna mear-luchtaithe ag Stáisiún Dhroichead Átha do thraenacha nua DART+ i mbliana, toisc go gcabhróidh seachadadh na bpríomh-oibreacha bonneagair le hacmhainn agus seirbhísí méadaithe a sholáthar do phaisinéirí.
Tá sé fógartha ag Iarnród Éireann agus ag an Údarás Náisiúnta Iompair go gcuirfidh an bonneagar nua luchtaithe traenach go mór leis an bhflít ceallraí-leictreach, rud a fhágfaidh go mbeidh seirbhís leathnaithe saor ó astaíochtaí ann roimh leictriú beartaithe na líne.
Leanann an conradh stáisiúin luchtaithe ordú tosaigh de 95 carráiste DART+, a thosóidh ag feidhmiú in 2025, lena n-áirítear 65 carráiste ceallraí-leictreacha agus 30 carráiste leictreach.
Creideann Méara Fhine Gall, an Comhairleoir Adrian Henchy, gur borradh suntasach é seo do chónaitheoirí Fhine Gall: “Is dul chun cinn é seo a bhfuil fáilte mhór roimhe i bpleananna chun iompar poiblí a fheabhsú do phobail laistigh de Fhine Gall. Tá ríméad orm go bhfeicfimid acmhainneacht agus seirbhísí paisinéirí níos mó dár gcónaitheoirí, agus le níos lú astaíochtaí á dtáirgeadh dá bharr sin go bhfuil béim láidir ar dhícharbónú."
Beidh tionchar na bhfeabhsuithe sin le sonrú feadh na líne ó Mhullach Íde go Droichead Átha agus méadóidh sé roghanna do chomaitéirí agus do chuairteoirí araon ag príomhstáisiúin lena n-áirítear Domhnach Bat, an Ros agus Lusca, na Sceirí agus Baile Brigín.
D'fháiltigh an Leas-Phríomhfheidhmeannach, Ethna Felten, roimh an mbonneagar nua: “Is nuacht iontach é seo do mhuintir Fhine Gall. Cinntíonn sé go mbeidh eispéireas i bhfad níos fearr ar an stráice gnóthach agus scéimhe den ghréasán iarnróid feadh an chósta. Ina theannta sin, cuireann an bonneagar seo ní hamháin le modhanna inbhuanaithe iompair a éascú ach freastlaíonn sé ar an éileamh reatha agus ar fhás sa todhchaí araon."
Táthar ag súil go gcuirfear tús le hullmhúcháin don bhonneagar go déanach in 2023 agus go gcuirfear isteach é faoi dheireadh 2024. Meastar go rachaidh traenacha DART+ ceallraí-leictreacha ag dul i mbun seirbhíse in 2025.
