Scéim Tacaíochta d’Ealaíontóirí á Fógairt ag Comhairle Contae Fhine Gall, 2022.

Tháinig méadú 100% ar mhaoiniú ó 2020 i leith  

Tá iarratais á lorg ag Comhairle Contae Fhine Gall ar an Scéim Tacaíochta d’Ealaíontóirí 2022. Ligeann an gnéithe maoinithe seo, atá méadaithe arís i mbliana, d’ealaíontóirí gairmiúla leas a bhaint as dámhachtain suas le €5,000 i dtreo deiseanna taistil/forbartha gairmiúla, cónaitheachta nó chun saothair a fhorbairt. 

Is é cuspóir na Scéime Tacaíochta d’Ealaíontóirí tacú le healaíontóirí gairmiúla aonair as Fine Gall a gcleachtas ealaíne a fhorbairt. Tá an dámhachtain, le comhchiste iomlán de €200,000, oscailte d’ealaíontóirí atá ag cleachtadh ag gach céim dá ngairmeacha beatha atá ag obair i gceol, amharcealaín, drámaíocht, litríocht & rince. Le bheith incháilithe le hiarratas a dhéanamh, ní mór gur rugadh iarratasóirí, go ndearna siad staidéar orthu, nó go bhfuil cónaí orthu faoi láthair i limistéar riaracháin Fhine Gall. 

Dúirt Méara Fhine Gall, an Comhairleoir Seána Ó Rodaigh “Is tréimhse an-spreagúil é seo do na healaíona agus muid ag teacht amach as tréimhse dheacair don earnáil. Táim muiníneach go rachaidh deis maoinithe 2022 go mór chun tairbhe ár n-ealaíontóirí agus go gcothóidh agus go spreagfaidh sé sármhaitheas ealaíne i bhFine Gall.” 

Ag labhairt di faoin dámhachtain, dúirt Príomhfheidhmeannach Chomhairle Contae Fhine Gall, AnnMarie Farrelly “Tá lúcháir orm scéim maoinithe 2022 a fhógairt, a chuireann ar chumas ealaíontóirí atá lonnaithe i bhFine Gall a gcleachtas ealaíon gairmiúil a fhorbairt. Anuraidh bronnadh iomlán de €150,000 ar 89 iarratasóir a oibríonn i ndisciplíní éagsúla tríd an gnéithe sparánachta seo. Léiríonn an méadú ar mhaoiniú arís i mbliana tiomantas leanúnach na Comhairle chun tacú lena healaíontóirí agus infheistíocht a dhéanamh iontu. 

Dúirt an Stiúrthóir Seirbhísí, Emer O’ Gorman, “Aithníonn agus is mór ag Comhairle Contae Fhine Gall an ról tábhachtach atá ag na healaíona agus ag ealaíontóirí inár sochaí agus tá an-áthas uirthi maoiniú a chur ar fáil d’ealaíontóirí gairmiúla tríd an scéim riachtanach seo.” 

Bhí an t-aer chleasghleacaí agus an t-ealaíontóir, Emily Aoibheann McDonnell i measc an 89 ealaíontóir a bronnadh faoin Scéim Tacaíochta d’Ealaíontóirí in 2021. Úsáideadh an maoiniú a fuair sí chun taighde agus forbairt a dhéanamh ar shaothar uaillmhianach nua a chuimsigh damhsa aerga agus teicneolaíochtaí digiteacha. Dúirt McDonnell “Thug Scéim Tacaíochta d’Ealaíontóirí Fhine Gall deis dom comhoibriú leis na healaíontóirí Liing Heaney agus Rob Mirolo, chomh maith le saineolaithe teicniúla, chun damhsa aerga agus teicneolaíocht dhigiteach a chomhcheangal le haghaidh saothar ealaíne turgnamhach nua. Thug an maoiniú am dúinn oibriú le chéile, ár saineolas teicniúil a fheabhsú agus gnéithe den rince, den ealaín dhigiteach, den léiriú, den bheochan agus den teicneolaíocht a thabhairt le chéile ar bhealaí spreagúla, áille. Cé gur dhírigh an chéim seo den obair ar thaighde agus ar phróiseas ealaíne, tá sé beartaithe againn ár gcuid saothar ealaíne a chríochnú agus a roinnt leis an lucht féachana trí scannán agus taibhiú amach anseo." 

Tá maoiniú na Scéime Tacaíochta d’Ealaíontóirí le haghaidh tionscadal/tionscnamh a bheidh ar siúl ó 1 Bealtaine – 31 Nollaig 2022. Is é an dáta deiridh chun iarratais a fháil ná Dé hAoine 25 Feabhra 2022 ag 4pm. 

Chun tuilleadh eolais a fháil agus chun iarratas a dhéanamh, féach www.fingalarts.ie/news nó www.fingal.ie/arts le do thoil.  https://submit.link/Cy 

De rogha air sin, déan teagmháil le hEoghan Finn ag Oifig Ealaíon Fhine Gall trí ríomhphost ag [email protected] nó ar an bhfón ar 087 773 8427 le do thoil.

Faoi Emily Aoibheann McDonnell

Ealaíontóir, aer-chleasghleacaí agus meantóir ealaíne í Emily Aoibheann. Agus saineolas bunúsach aici ar cheol, ar thaibhiú agus ar dhamhsa aerga, cruthaíonn a cúlra éagsúil comhtháthú cruthaitheach, comhoibríoch agus bunaidh na n-ilfhoirmeacha ealaíne. Faigheann a cuid oibre in 2021 tacaíocht agus maoiniú ón gComhairle Ealaíon, Comhairle Contae Fhine Gall, Damhsa Éireann agus Ionad Ealaíon Theach na Cúirte, Co. Chill Mhantáin. Tá mo chleachtas idirphearsanta, seiftiúil agus spásúil, bainte amach le foireann leathan comhoibrithe.Tá tionchar láidir ar an saothar ag gnéithe ealaíonta agus teicniúla den dhamhsa aerga agus den sorcas, spreagtha ag deich mbliana de chruthú saothair sna foirmeacha ealaíne seo.Tá suim ar leith agam san ailtireacht agus i dtaiscéalaíocht spás(anna), i dturgnamh ábhar agus i siombóis an duine, réad agus imshaoil. Agus an corp i lár mo chuid oibre, bainim úsáid as gníomhartha  easurraim ceadaitheacha agus spraíúla chun claochlú cinéiteach, fuinniúil agus struchtúrach a fhiosrú. Is féidir leis seo a leathnú go nádúrtha ach ní go leithleasach chun foircneacha fisiceacha agus mhothúchánacha a áireamh i bhfeidhmíocht.

Oibreacha: Object Piggy (2013-2015); Papaveracea (2015); Movement, Material and Performance (research 2016 - 2018); Sorry Gold (2019); Mother of Pearl (2019). Stiúrthóir PaperDolls (2010-2013); Stiúrthóir Cruinniú Turgnamhach Rince Aerga Cat’s Paw;

Bunaitheoir agus Stiúrthóir Cruthú Aerga; Ealaíontóir Cónaithe ag Ionad Ealaíon Theach na Cúirte, Tigh na hÉille, Co. Chill Mhantáin, ar siúl ó 2018 i leith.

Creidmheasanna íomhá:

Cuireadh na híomhánna go léir le caoinchead an ealaíontóra.

Seat Cinn Emily Aoibheann leis an ngrianghrafadóir Emilia Pasón

Turrus / A Simulated Swan le Emily Aoibheann agus Liing Heaney, 2021

Emily Aoibheann, Sorry Gold ag Ionad Ealaíon Tionscadail Baile Átha Cliath, 2019, Grianghraf le Eoin Kirwan