Scríbhneoirí Áitiúla roghnaithe do Chlár Meantóireachta Náisiúnta Áras Scribhneoirí na hEireann 2023

Chuaigh Oifig Ealaíon Fhine Gall i gcomhpháirtíocht le hÁras Scríbhneoirí na hÉireann chun deiseanna forbartha gairmiúla a sholáthar chun tacú le scríbhneoirí Fhine Gall trí Chlár Meantóireachta Náisiúnta Áras Scríbhneoirí na hÉireann. Ceathrar scríbhneoir áitiúil; Tá Alicia Byrne Keane, Thomas Brezing, Lauren Lawler agus Jack Poole roghnaithe ag Áras Scríbhneoirí na hÉireann chun meantóireacht ghairmiúil liteartha a fháil thar ocht mí ó scríbhneoir Éireannach mór le rá dá rogha féin.

Tar éis glao náisiúnta a dhéanamh, roghnaíodh 37 scríbhneoir as beagnach trí chéad iarratasóir. Maoiníonn Oifig Ealaíon Fhine Gall na meantóireachtaí liteartha in éineacht le Comhairle Ealaíon na hÉireann chun a chinntiú go roghnófaí na hiarratasóirí is fearr ón gcontae. Cinnteoidh a dtacaíocht go bhfaighidh na meantaí a roghnófar an tacaíocht seo saor in aisce a d’fhéadfadh a saoil a athrú. Is infheistíocht é freisin i gcáil liteartha an réigiúin go fadtéarmach.

Dúirt Méara Fhine Gall, an Clr. Adrian Henchy “Ba mhaith liom comhghairdeas a thabhairt go dtí an gceathrar scríbhneoir atá roghnaithe le meantóireacht a fháil tríd an gclár seo agus táim cinnte go rachaidh an tacaíocht chun sochair go mór dá ngairmeacha scríbhneoireachta.”

Dúirt Oifigeach Ealaíon an Chontae, Sarah O’ Neill “Tá áthas ar Chomhairle Contae Fhine Gall dul i gcomhpháirtíocht le hÁras Scríbhneoirí na hÉireann arís i mbliana chun tacú le forbairt scríbhneoirí gairmiúla Fhine Gall. Freagraíonn an deis thábhachtach meantóireachta liteartha seo do spriocanna straitéiseacha Phlean Ealaíon na Comhairle 2019 – 2025, rud a chumasaíonn sármhaitheas trí thacú le daoine cruthaitheacha sáraigh ina gcuid smaointeoireachta agus cleachtais.”

Is éard atá i gceist leis an bpróiseas meantóireachta ná ceithre chruinniú 90 nóiméad idir an duine a roghnófar agus a scríbhneoir gairmiúil roghnaithe. Léann gach meantóir suas le 10,000 focal / 180 líne filíochta de scríbhneoireacht an mheantaí roimh na ceithre chruinniú, ag roinnt a n-aiseolas cineálta agus criticiúil leis an meantaí, aghaidh ar aghaidh ag gach cruinniú. Soláthraíonn meantóirí comhairle ghairmiúil leathan freisin, ag roinnt buntáistí óna mblianta taithí. Is cineál de theagasc idir piaraí é atá ag éirí níos coitianta sa litríocht, ag cur an phróisis fhoirmiúil ar aghaidh ina dtugann scríbhneoirí rathúla a gceird agus a dtaithí ar aghaidh chuig an gcéad ghlúin eile de scríbhneoirí ar fud na tíre. Is iad na ceithre mheantóirí atá sannta do na scríbhneoirí roghnaithe i mbliana ná Enda Wyley, Jane Clarke, Peter Sirr agus Dave Rudden.

Is é misean Áras Scríbhneoirí na hÉireann ná tacú le pobal bríomhar agus éagsúil scríbhneoirí de gach cineál agus tallann chun a gceird, a gcumas agus a muinín a fhorbairt le go mbeidh rath orthu mar scríbhneoir ar fud an domhain. Táthar ag súil leis an gClár Meantóireachta Náisiúnta go rachaidh na meantaí a roghnófar ar aghaidh ag scríobh na chéad mhórshaothair litríochta le tacaíocht agus le cothú a meantóra roghnaithe. Is cineál de theagasc idir piaraí é a bhfuil an-tóir air sa litríocht agus ag dul i méid, ag cur go foirmiúil leis an bpróiseas trína dtugann scríbhneoirí rathúla a gceird agus a dtaithí ar aghaidh chuig an gcéad ghlúin eile de scríbhneoirí ar fud an oileáin.

Ar siúl ó 2017, tá go leor údair foilsithe ag an gclár anois i measc a alumni, lena n-áirítear Doireann Ní Ghríofa, Nidhi Zak/Aria Eipe, Fiona Scarlett, agus Victoria Kennefick gan ach cuid acu a lua.