Suirbhé & Oibreacha Crann ag Diméin Mhullach Íde ar An Cúlbhóthar go Bóthar Bhaile Átha Cliath (R107).

Rinneadh measúnú neamhspleách ar chrainn an 20 Deireadh Fómhair 2021 laistigh de Dhiméin Mhullach Íde. Dhírigh sé seo go príomha ar chuid de choillearnach a théann ón gCúlbhóthar chomh fada le Bóthar Bhaile Átha Cliath. Rinneadh an Measúnú Amhairc ar Chrainn (VTA) thar ceann Chomhairle Contae Fhine Gall.  

Le linn an tsuirbhé seo, tarraingíodh aird ar 12 chrann mar chúis imní, agus is Feá (Fagus sylvatica) naoi gcinn díobh, le dhá Fhuinseog (Fraxinus excelsior) agus Seiceamóir (Acer pseudoplatanus) amháin, agus tá siad ar fad in aicme aibí aoise aibí go déanach.  

Tá saincheisteanna fiseolaíocha agus nó structúracha ag na crainn sainaitheanta a ardaíonn imní maidir lena n-inmharthanacht, staid reatha sláinte agus sábháilteacht.

Bainistíocht Crann & Moltaí

Agus na riachtanais bhainistíochta den chuid seo den choillearnach á meas, agus chun leasa an chreasa crann foriomlán, táthar i bhfábhar oibreacha feabhais crannliachta seachas baint iomlán i ngach cás indéanta.

Mar sin féin, moltar gur tosaíocht dosheachanta é trí cinn de na crainn Feá agus dhá chrann Fuinseoige a bhaint. Tá sé seo ar mhaithe le coisithe d’fhonn taitneamh a bhaint as an bpáirc agus le húsáideoirí bóthair ar An Cúlbhóthar. Nuair a bhainfear na cúig chrann seo agus de réir an chleachtais is fearr fágfaimid an príomhstoc mar mhonailit 5 - 6 méadar agus fágfar an t-adhmad go léir a leagfar ar urlár na foraoise le haghaidh bithéagsúlachta.

Coimeádfar na crainn eile a tarraingíodh aird orthu sa tuarascáil agus déanfar na hoibreacha feabhais bearrtha crainn atá ag teastáil de réir BS3998 2010.

Mar gheall ar an ngá le cúig chrann a bhaint, tá Suirbhé Ialtóg neamhspleách curtha ar bun ag Comhairle Contae Fhine Gall agus cuirfear a moltaí i bhfeidhm go hiomlán.  

Tá Roinn Oibríochtaí Fhine Gall tiomanta do 400 crann breise a phlandáil laistigh den Diméin an t-earrach seo chugainn. Cuirfear Quercus robur (Dair) agus Fagus sylvatica (Feá) de réir bheartas Straitéis Crann d’Fhine Gall (Foraois Fhine Gall).

Dátaí beartaithe:

Tá na hoibreacha seo beartaithe don Luan 6/12/21- Dé hAoine an 10/12/21 agus ar an drochuair d’fhéadfadh roinnt míchaoithiúlacht a bheith ann d’úsáideoirí na páirce agus iad á ndéanamh. Déanfaidh Comhairle Contae Fhine Gall gach iarracht aon chur isteach ar úsáideoirí na páirce a íoslaghdú agus cuirfidh sí comharthaíocht in airde ar bhealaí a mbeidh tionchar orthu.