Toghadh an Mhéara nua, a gheallann ré nua maidir le tógáil an phobail inbhuanaithe

Tá ceannaire nua ag Fine Gall tar éis an Comhairleoir Adrian Henchy (Fianna Fáil) a toghadh ag a chuid comhchomhairleoirí inniu le bheith ar an 18ú Méara ar an gcontae. As Port Reachrann ó dhúchas é agus ina ionadaí do thoghcheantar An Ros-Lusca, toghadh ar dtús é mar Chomhairleoir Fhine Gall sa bhliain 2014.

Idir an ról atá aige mar Chomhairleoir go dtí an bhaint aige le mórán tionscnamh áitiúil, bíonn an Mhéara Henchy dírithe i gcónaí ar éagsúlacht dhearfach a dhéanamh i saol iad siúd ar a bhfuil sé ag freastal. Gairmí sláinte díograsach é a bhfuil dúil mhór aige sa tseirbhís phoiblí, dúirt sé go bhfuil sé réidh le ré nua tabhairt isteach i gceannaireacht an dul chun cinn, na comhoibre agus na nuálaíochta don Chontae. Tagann Henchy i gcomharbacht ar an gComhairleoir Howard Mahony, a thug slabhraí na hoifige ar láimh ag CCB an lae inniu.

Agus an ról mar Mhéara á fháil aige, d’ainmnigh an Comhairleoir Eoghan O’Brien (FF) an Comhairleoir Henchy agus dúirt sé gur mhór an phribhléid agus an onóir dó á ainmniú don phost. Thacaigh an Comhairleoir Brian Dennehy (FF) leis an ainmniúchán.

"Baineann mo thoghadh dom freastal ar an bpost seo an gus asam," a dúirt an Méara Adrian Henchy. “Geallaimse go n-oibreoidh gan stad gan staonadh le haghaidh contae níos láidre, níos cuimsithí agus níos beoga a dhéanamh as Fine Gall. Le tacaíocht an phobail, is féidir linn éachtaí iontacha a bhaint amach le chéile chun cabhrú le Fine Gall teacht faoi bhláth i gcursaí eacnamaíocha, sóisialta agus an chomhshaoil. Is mian linn díriú ar thuilleadh tithíochta a chur ar fáil, ní hamháin mar fhoirgnimh féin ach a chinntiú go bhfuil pobail inbhuanaithe á dtógáil againn mórthimpeall orthu”.

Feidhmeoidh an Comhairleoir Grainne Maguire (Neamhspleách, Baile Brigín) mar Leas-Mhéara Fhine Gall don dara huair. D'ainmnigh an Comhairleoir Tony Murphy (Neamhspleách) í le tacaíoht ón gComhairleoir Karen Power (An Comhaontas Glas). Roimh freastal aici mar Chomhairleoir i mBaile Brigín ón mbliain 2013 i leith, ba chomhalta tofa de chuid  Chomhairle Baile Bhaile Brigín í an Comhairleoir Maguire ón mbliain 2009. Tá taithí fhairsing aici sa rialtas áitiúil agus tá aithne uirthi sa bhaile is óige in Éirinn as an obair a dhéanann sí thar ceann mórán grúpaí éagsúla agus as an bpaisean aici faoi cheisteanna áitiúla.

Ag an CGB, moladh an Méara a bhí ag dul as oifig chomh maith leis an Leas-Mhéara, an Comhairleoir Cathal Boland, as an tseirbhís gan staonadh acu a rinneadar ar leas muintir Fhine Gall le bliain anuas.

Ina urlabhraí láidir thar ceann Bhaile Átha Cliath 15 é, thug an t-iarMhéara, an Comhairleoir Howard Mahony, faoi líon mór gníomhaíochtaí le linn a théarma, ag freastal ar 365 imeacht a raibh baint acu leis an bpobal agus leis an gComhairle i rith na bliana. Chabhraigh sé freisin le Plean Forbartha Fhine Gall (2023-2029) a stiúradh suas go dtí gur tháinig sé i bhfeidhm i mí Aibreáin na bliana seo. Mar chuid dá chuid dhualgais mar chéad shaoránach Fhine Gall, d'fháiltigh an Comhairleoir Mahony Uachtarán na Stát Aontaithe Joe Biden nuair a tháinig sé go Baile Átha Cliath.

Chomh maith le toghadh an Mhéara agus an Leas-Mhéara inniu, thogh Comhairleoirí Fhine Gall Cathaoirligh na trí Choiste Ceantair. Díríonn na coistí seo ar sheirbhísí a chur ar fáil go háitiúil dá gcuid cheantar faoi seach, bíodh iad na nithe a mbaineann le bóithre, le bruscar, le háiteanna súgartha, le seirbhísí uisce, le tithíocht nó le leabharlanna. Siad na Cathaoirligh a toghadh le haghaidh na bliana le teacht ná:

• Baile Brigín/An Rush-Lusca/Sord: An Clr Ian Carey (An Comhaontas Glas)
• Baile Bhlainséir-Mullach Eadrad/Caisleán Cnuca/Ongar: An Clr  Tom Kitt (Fianna Fáil)
• Binn Éadair/Mullach Íde: An Clr Eoghan O’Brien (Fianna Fáil)