Tugann Fine Gall rothar leictreach lastais do Thréadaí Gadhar Bhinn Éadair

Thug Comhairle Contae Fhine Gall i gcomhpáirtíocht leis an soláthraí seirbhíse Bleeper, rothar leictreach lastais úrnua do Thréadaí Gadhar Bhinn Éadair, Katie Abel. Cuideoidh an Rothar Leictreach Lastais úrnua seo le soláthairtí riachtanacha a iompar chun freastal ar bhreis is 100 gadhar ar Cheann Bhinn Éadair. Bhí Oifigigh Siúil agus Rothaíochta Fhine Gall, Emma Court agus Stephen McGinn i láthair ag tabhartas oifigiúil an rothair.

Is rothar troitheán ar chumhacht cadhnraí é rothar leictreach lastais. Tá gné earrfhada ag an rothar sonrach seo, atá riachtanach chun bia agus uisce a bhogadh thar réimse tír-raon.

Dúirt Méara Fhine Gall, an Comhairleoir Brian McDonagh: “Tá sé go hiontach a bheith anseo ag seachadadh rothar leictreach lastais úrnua chuig ár dtréadaí gadhar i mBinn Éadair. Is céim eile í inár dtiomantas Taisteal Gníomhach a chur i bhfeidhm inár saol laethúil. Is bealach spraoiúil iad rothair leictreacha lastais chun rothaíocht, chomh maith le bheith ina bhealach iontach chun astaíochtaí a laghdú agus do shláinte agus caighdeán na beatha a fheabhsú.

Dúirt David Storey, Stiúrthóir Seirbhísí don Chomhshaol, Gníomhaithe ar son na hAeráide, Taistil Ghníomhaigh agus Spóirt ag Comhairle Contae Fhine Gall: ‘’ Tá an bealach ina bhfuilimid ag bogadh ag athrú agus is bealach inbhuanaithe iompair é rothar leictreach lastais a úsáid. Tá Comhairle Contae Fhine Gall ag obair go dian chun ár ngréasán Taistil Ghníomhaigh a leathnú ar fud an chontae. Tá an bonneagar rothaíochta á fheabhsú againn i gcónaí, rud a laghdóidh ár spleáchas ar charranna agus a thabharfaidh tús áite do Thaisteal Gníomhach inár bpobail.”

Sa lá atá inniu ann, tá breis is 100 Seanghadhar na hÉireann ina gcónaí ar cheann tíre Bhinn Éadar, i dtionscadal ardbhainistithe atá á stiúradh ag tréadaí nua Chumann Seanghadhar na hÉireann, Katie Abel le tacaíocht ó Fhoireann Bithéagsúlachta Chomhairle Contae Fhine Gall. Tá na gadhair ag obair i roinnt tréad beag, atá suite go straitéiseach timpeall an chinn tíre, áit a bhfuil sé de chúram orthu bearnaí tine agus fásra a bhainistiú a d’fhéadfadh a bheith ina riosca dóiteáin breosla-luchtaithe. Murab ionann agus pórtha nua-aimseartha, is féidir le Seanghadhar na hÉireann fás ar aiste bia foráiste fiáin, agus is fearr leis aiteann agus driseacha, rud a fhágann go bhfuil siad go hiontach le haghaidh innilt chaomhnaithe.

Beidh an rothar leictreach lastais thar a bheith luachmhar do Katie mar go mbainfear úsáid as go laethúil, chun súil a choinneáil ar na tréada éagsúla, chun soláthairtí ríthábhachtacha ar nós uisce, beatha agus leigheas a bhogadh go dtí na suíomhanna féaraigh éagsúla i bhfad níos éasca, agus tá sé inbhuanaithe ó thaobh an chomhshaoil de freisin.

Tá Cumann Seanghadhar na hÉireann tiomanta do chaomhnú an ainmhí seo atá i mbaol agus tá siad tiomanta a bhfóntas agus a bhfeidhm sa tírdhreach a léiriú. Trí obair an tréada ar Thionscadal Féaraigh Bhinn Éadair, ní hamháin go bhfuil siad ag cabhrú chun an tírdhreach anseo a chaomhnú, ach, dá réir sin, tá an tionscadal ag cabhrú leis an bpór ársa seo atá i mbaol a chaomhnú. 

Dúirt ionadaí ó Chumann Seanghadhar na hÉireann: “Mar ghrúpa comhshaoil táimid i gcónaí ag féachaint ar bhealaí chun ár lorg ar an gcomhshaol a laghdú, agus mar sin tá gliondar croí orainn rothar leictreach eile a chur lenár dtionscadal, agus táimid an-bhuíoch do Chomhairle Contae Fhine Gall agus do Ghníomhú ar son na hAeráide as an rothar lastais a sholáthar dár dtionscadal.”

Is mian le Cumann Seanghadhar na hÉireann agus le Foireann Bithéagsúlachta Fhine Gall, a thacaíonn leis an tionscadal seo, buíochas a ghabháil leis an Roinn Comhshaoil, Gníomhaithe ar son na hAeráide, Taistil Ghníomhaigh agus Spóirt as a bhflaithiúlacht maidir leis an rothar leictreach lastais seo a sholáthar.

Bainfidh Katie Abel leas as an rothar leictreach lastais go ceann 12 mhí. Tá an rothar leictreach lastais seo ar léas ag Comhairle Contae Fhine Gall agus is é an comhpháirtí Bleeper a láimhseálfaidh an chothabháil.

Dúirt CEO Bleeper, Hugh Cooney: "Tá fíoráthas ar Bleeper an rothar leictreach lastais uathúil seo a sholáthar do Chomhairle Contae Fhine Gall. Is cinnte go bhfuil sé ar cheann de na cásanna úsáide is neamhghnáthaí do rothar lastais a chonaiceamar go dtí seo, ach bhaineamar taitneamh as ransú smaointe a dhéanamh ar réiteach don tréadaí i mBinn Éadair. Is rothar leictreach lastais earrfhada é "The Yuba Spicy Curry+ a bhfuil toilleadh iomlán ualaigh de 200kg aige. Tá boinn gharbha easbhóthair agus fráma treisithe aige, rud a fhágann go bhfuil sé oiriúnach chun stiúradh ar na cosáin agus conairí mórthimpeall Bhinn Éadair. Soláthaíonn mótar leictreach Bosch Cargo Line torc mórthaibhseach de 85Nm, rud a thugann an chumhacht tarraingthe go léir don tréadaí a bheidh de dhíth chun a soláthairtí (agus gadhar b’fhéidir!) a thabhairt suas agus síos coillte Bhinn Éadair."