Tugtar cuireadh do sholáthraithe fáilteachais & turasóireachta iarratas a dhéanamh ar mhaoiniú le haghaidh feabhsúchán itheacháin lasmuigh

Tá Comhairle Contae Fhine Gall ag spreagadh soláthraithe fáilteachais agus turasóireachta áitiúla chun iarratas a dhéanamh ar mhaoiniú deontais faoin Scéim Infheistíochta um Fheabhsú Itheacháin Lasmuigh nua de chuid Fáilte Éireann atá dírithe ar chabhrú leis an earnáil a cumas itheacháin lasmuigh a mhéadú.

Tá deontais suas le €4,000 ar fáil faoin snáithe um Fheabhsú Itheacháin Lasmuigh & Oiriúintí do Ghnó Turasóireachta & Fáilteachais den Scéim chun acmhainn níos mó a éascú d’itheachán lasmuigh trí thacú le gnóanna fáilteachais ionaid agus spásanna poiblí a uasghrádú agus a fheabhsú agus ag cur réitigh chosanta aimisre i bhfeidhm chun itheachán lasmuigh ar feadh na bliana a éascú.  

Tugtar cuireadh do ghnóanna turasóireachta agus fáilteachais aonair ina ndíoltar bia le hithe san áitreabh lena n-áirítear óstáin, áiseanna turasóireachta, caiféanna, bialanna agus tithe tabhairne iarratas a dhéanamh ar mhaoiniú.  

Tá sé mar aidhm aige leathnú a dhéanamh ar an obair a rinne údaráis áitiúla anuraidh chun tacú le gnóanna agus tacóidh sé le gnóanna fáilteachais agus turasóireachta neamhspleácha aonair i dtreo chostas an trealaimh chun feabhsú breise lasmuigh a sholáthar agus chun na gnóanna seo a éascú chun a gcumas itheacháin lasmuigh a mhéadú do samhradh 2021.  

Clúdófar faoin scéim costais le haghaidh táblaí lasmuigh, cathaoireacha, scáthanna fearthainne, téitheoirí leictreacha, scáthláin, scáthláin ghaoithe, seastáin plandaí agus ardáin adhmaid. Caithfear caiteachas a thabhú idir an 1 Aibreán 2020 agus an 30 Meán Fómhair 2021.

Is féidir iarratais a dhéanamh anois trí https://www.fingal.ie/ga/SceimItheachainLasmuigh

Tá an scéim infheistíochta seo á seachadadh faoin gcolún straitéiseach de chuid Fáilte Éireann ‘Ag Oscailt An Taobh Amuigh’ a bhfuil sé mar aidhm aici ár sócmhainní lasmuigh a chaipitliú agus ár spásanna uirbeacha a athshamhlú.

Dúirt Méara Fhine Gall, An Comhairleoir David Healy: “Is tionscnamh  é seo a bhfuil fáilte mhór roimhe chun tacú leis an earnáil turasóireachta agus fáilteachais áitiúil a ndeachaigh an phaindéim Covid-19 i bhfeidhm go dona air. Beidh ról suntasach ag uasghrádú agus ag feabhsú spásanna chun itheachán a sholáthar lasmuigh i ligean do ghnóanna na háiseanna riachtanacha a sholáthar chun athoscailt de réir threoirlínte sláinte poiblí.

“Cuirim fáilte mhór roimh sheoladh na Scéime seo agus táim ag tnúth le gnóanna áitiúla a n-iarratais ar mhaoiniú a chur isteach chun an obair seo a éascú a ligfidh dóibh athoscailt le muinín.”

Dúirt an Príomhfheidhmeannach AnnMarie Farrelly: “Tá fíoráthas ar Chomhairle Contae Fhine Gall a bheith ag obair le Fáilte Éireann ar an scéim seo a thacóidh leis na hearnálacha fáilteachais agus turasóireachta agus iad ag tosnú ag athoscailt tar éis na tréimhse dúnta is déanaí. Tá ról mór á imirt ag Comhairle Contae Fhine Gall, i dteannta le húdaráis áitiúla ar fud an chontae, i dtacú le gnóanna le 12 mí anuas.

“Tuigim go maith na deacrachtaí a bhí ag gnóanna ar fud an chontae agus is tionsnamh tábhachtach eile í an scéim seo, a chuirifdh ar chumas na hearnála a cumas itheacháin agus suíocháin a mhéadú, chun ligean dóibh athoscailt ar bhealach sábháilte.”

Dúirt Emer O’Gorman, Stiúrthóir Forbartha Eacnamaíochta, Fiontar, Turasóireachta agus Cultúir: “Beidh ról suntasach ag an maoiniú a chuirtear ar fáil faoin scéim seo chun eispéireas itheacháin sábháilte a sholáthar chun taitneamh a bhaint as a luaithe a ligfear don earnáil athoscailt de réir chomhairle sláinte poiblí. Mholfainn do ghnóanna incháilithe a n-iarratais a dhéanamh tríd an tairseach ar líne atá oscailte anois.”

Le haghaidh tuilleadh sonraí ar an scéim, tabhair cuairt ar  https://www.fingal.ie/ga/SceimItheachainLasmuigh