Fiosraigh do thodhchaí

Beidh Mórthaispeántas Scileanna Idirbhliana Fhine Gall "Xplore Your Future" ar siúl Dé Máirt, 15ú Deireadh Fómhair 2024 ag an Helix OCBÁC. Is é seo an dara reáchtáil den mhórthaispeántas tar éis imeacht tionscnaimh an-rathúil i 2023. Arna óstáil ag Comhairle Contae Fhine Gall, tá an t-imeacht idirghníomhach saor in aisce seo deartha chun cabhrú le daltaí na hIdirbhliana neart féidearthachtaí gairme amach anseo a fhiosrú agus casadh le daoine óga atá ar na conairí gairme seo cheana féin. Is imeacht do scoileanna amháin é seo agus níl sé oscailte don phobal.

Má tá tú ag smaoineamh ar do ghairm bheatha, smaoinigh air seo: d’fhéadfadh gairm bheatha scilbhunaithe a bheith ina rogha iontach duit.

Cén fáth? Bhuel, ar dtús, tá sé cosúil le sárchumhacht a bheith agat sa mhargadh fostaíochta. Is féidir leat dul i dtaithí ar thionscail agus teicneolaíochtaí nua de réir mar a thagann siad chun cinn, rud a chiallaíonn nach bhfágfar ar an trá fholamh riamh thú.

Ina theannta sin, tá cinnteacht phoist i gceist leis. Bíonn éileamh i gcónaí ar scileanna, mar sin beidh níos mó seasmhachta agat. Agus maidir le cúrsaí airgid – is minic go n-íoctar pá maith ar phoist scilbhunaithe agus cuireann siad deiseanna ar fáil maidir le dul chun cinn gairme.

Ach seo an chuid is fearr ar fad faoi: beidh tú in ann fíorthionchar a bheith agat i do réimse roghnaithe. Agus éist leis seo! Ligeann go leor post scilbhunaithe duit foghlaim ar an láthair oibre, rud a chiallaíonn go bhfuil tú ag tuilleamh agus tú ag foghlaim. Mar sin, smaoinigh air seo – d’fhéadfadh gairm bheatha scilbhunaithe a bheith díreach i gceart duitse le haghaidh todhchaí spreagúil, tairbheach, agus deis chun fás feadh na slí!

Féach ar an méid a bhí le rá ag ár nDaltaí agus Múinteoirí faoi Xplore Your Future 2023:

Cuimhnigh, tá na deiseanna i réimse na scileanna gan teorainn, agus tá na conairí níos insroichte ná riamh. Ná bíodh leisce ort dul i dteagmháil le do mhúinteoirí, iniúchadh a dhéanamh ar na rudaí a mhusclaíonn do shuim, agus fiafraigh faoi na conairí chuig na gairmeacha sin. Is féidir leat féachaint ar na hacmhainní iontacha atá ar fáil ar an leathanach gréasáin seo freisin. Is fútsa atá sé do thodhchaí a mhúnlú, agus leis na scileanna cearta, níl aon teorainn leis na féidearthachtaí. Mar sin, ar aghaidh leat, tapaigh na deiseanna sin, agus múnlaigh do thodhchaí uathúil féin.