Teachtaireacht fáilte
Go raibh maith agat as do chuid ama a thógáil chun cuairt a thabhairt ar ár gcomhairliúchán poiblí ar líne maidir le Bealach Cósta Fhine Gall.
Is glasbhealach beartaithe é Bealach Cósta Fhine Gall ó Dhiméin an Droichid Nua i nDomhnach Bat go teorainn chontae Fhine Gall, ó thuaidh ó Balbriggan. Beidh an scéim thart ar 32km ar fhad san iomlán, ag brath ar an mbealach deiridh a roghnófar.
Is é cuspóir an tionscadail bealach cósta sábháilte, tarraingteach, den chéad scoth a chruthú do choisithe agus do rothaithe. Is taitneamhacht fóillíochta agus turasóireachta a bheidh sa bhealach den chuid is mó ach feidhmeoidh sé mar bhealach comaitéireachta áitiúil freisin.
Meastar go mbeidh Bealach Cósta Fhine Gall mar scéim shuaitheanta do thurasóireacht sa chontae a bhféadfadh an geilleagar turasóireachta áitiúil a chur chun cinn agus a fheabhsú.
Faoi láthair, tá Comhairle Contae Fhine Gall i mbun an phróisis roghnaithe bealaigh do Bhealach Cósta Fhine Gall, agus táimid ag lorg do thuairimí.
Tá an scéim á cur ar aghaidh ón staidéar féidearthachta tosaigh go dtí an chéim phleanála. Faoi láthair tá an scéim ag an gcéad chéim de phróiseas measúnaithe bealaigh dhá chéim. Is éard atá sa chéad chéim seo den mheasúnú liosta fada roghanna bealaigh a shainaithint agus iad sin a ghearradh siar go gearrliosta roghanna bealaigh.
Ó thugamar faoin gcéad bhabhta comhairliúcháin phoiblí i mí na Samhna 2019, lenar cuireadh an scéim os comhair an phobail agus a dhírigh ar shrianta agus ar dheiseanna, chuireamar an iliomad tuairimí a fuarthas ón bpobal san áireamh, d’fhorbraíomar an liosta fada roghanna bealaigh agus thugamar faoin mheasúnú Chéim 1 ar na bealaí seo.
Is í aidhm an chomhairliúcháin phoiblí seo deis a thabhairt don phobal a gcuid tuairimí agus aiseolais a thabhairt ar na bealaí a sainaithníodh le haghaidh measúnaithe le linn na chéad chéime chomh maith le toradh an mheasúnaithe. Tar éis an phróisis chomhairliúcháin phoiblí seo, breithneofar an t-aiseolas a fuarthas agus na coigeartuithe a rinneadh nuair ba chuí.
Cad atá ag tarlú faoi láthair?
Faoi láthair tá an scéim ag céim roghnúcháin an bhealaigh. Foilseofar roinnt roghanna féideartha bealaí ar líne ón 15 Aibreán 2021 ar láithreán gréasáin Chomhairle Contae Fhine Gall https://consult.fingal.ie/en/browse.
Mar gheall ar shrianta phaindéim Covid-19 agus shláinte phoiblí ar chruinnithe, nílimid in ann imeacht comhairliúcháin poiblí traidisiúnta, beo a reáchtáil le linn don bhabhta comhairliúchán phoiblí seo. Mar sin féin, tá d’aiseolas ar an scéim fós an-tábhachtach dúinn agus molaimid duit páirt a ghlacadh sa bhabhta comhairliúchán phoiblí seo agus an ceistneoir ar líne a chomhlánú.
Tugadh faoin gcéad chéim seo maidir le roghanna bealaigh a aithint agus a mheas trí chomparáid a dhéanamh idir bealaí féideartha faoi na critéir seo a leanas: Innealtóireacht, Comhshaol agus Geilleagar de réir na gcaighdeán náisiúnta agus an chleachtais is fearr. Is é toradh an phróisis seo ná gearrliosta de roghanna bealach inmharthana a thiomsú a thabharfar ar aghaidh iad go dtí an chéad chéim eile den phróiseas roghnaithe bealaigh.