Blas Oidhreacht Bhia Fhine Gall
Tá traidisiún láidir na gairneoireachta, na feirmeoireachta agus na hiascaireachta againne anseo i bhFine Gall. Is cuid dár n-oidhreacht bia é gach rud ó oidis na seantuismitheoirí, ón gcócaireacht agus ó na húirlisí, ó bhealaí traidisiúnta na feirmeoireachta agus na hiascaireachta go dtí an béaloideas, an gorta, agus ainmneacha na ngort.
Déanfaidh BLAS, tionscadal Oidhreachta Bia Fhine Gall iniúchadh, taifead agus roinnt ar na traidisiúin, ar na dearcthaí, ar na tuisceanna agus ar na cleachtais a mbaineann leis an gcaoi a dtáirgeann agus a n-ithimid ár gcuid bhia agus cuirfidh sé traidisiúin éagsúla an bhia in iúl do phobail nua.
Mar chuid den tionscadal, táimid ag bailiú cuimhní, grianghraif, agus oidis an bhia ón bpobal lená roinnt ar Scéalmhapa dhigiteach a dhéanann ceiliúradh ar oidhreacht an bhia mar chuid dár stair shóisialta.
Tá Scéalmhapa Blas le feiceáil ag https://storymaps.arcgis.com/stories/7bdfb82673904a2293793710bdbd0402
Má tá rud ar bith agat le cur leis, déan teagmháil linn ag [email protected]
Acmhainní na Múinteoirí don Bhunscoil
Tugtar cuireadh do mhúinteoirí bunscoile i bhFine Gall páirt a ghlacadh i dtionscadal Blas trí leas a bhaint as pleananna ceachta Blas le haghaidh ár dtraidisiúin láidre áitiúla na gairneoireachta, na feirmeoireachta agus gach rud eile a bhaineann le bia a scrúdrú. Áirítear sna pleananna ceachta naisc an churaclaim, torthaí foghlama, treoir don mhúinteoir, bileoga gníomhaíochta do dhaltaí, grianghraif agus acmhainní físe agus fuaime lená n-úsáid sa rang.
Cuimhní Bia a Roinnt
B’fhéidir gurb é an cáca a bhácáil do mhamó nó go gcuimhníonn tú fós ar a bholadh, nó blas an ae agus na n-oinniún a chuir do mháthair iachall ort ithe ionas go mbeifeá lán d’iarann. Torthaí a phiocadh sa samhradh nó prátaí a bhácáil sa gheimhreadh. Tá cuimhní bia maithe (agus olca) againn go léir a insíonn dúinn faoinár gcultúr agus ár dtraidisiúin i bhFine Gall agus níos faide i gcéin. Táimid ag iarraidh na cuimhní sin a ghabháil agus a cheiliúradh mar chuid dár stair shóisialta. Comhlánaigh an Fhoirm Cuimhní Bia Fhine Gall agus cuir ar ais í chuig [email protected]
