Athnuachan an Chomhpháirtíocht idir Sraithchomórtas Lúthchleasaíochta Fhine Gall agus Cluichí Morton chun Rannpháirtíocht sa Lúthchleasaíocht a Ardú.

Seoladh Sraithchomórtas Lúthchleasaíochta Fhine Gall na bliana seo ag Coimpléasc Spóirt ALSAA Dé hAoine an 7ú Márta, 2025. Tá sé fógartha ag Comhairle Contae Fhine Gall agus Cluichí Morton go leanfar lena gcomhpháirtíocht, a bunaíodh anuraidh agus a misean chun fás agus forbairt lúthchleasaíochta a chur chun cinn i bhFine Gall.

Tugann an comhoibriú idir Sraithchomórtas Lúthchleasaíochta Fhine Gall, a bhfuil cáil air mar gheall ar a thiomantas d’fhorbairt an ghnáthphobail, agus Cluichí Morton, imeacht raoin is faiche de chuid Turas Mór-Roinn Lúthchleasaíochta an Domhain, dhá cholún lúthchleasaíochta i bhFine Gall le chéile. Trí dhul le chéile, féachann an dá eagraíocht le deiseanna a chruthú do lúthchleasaithe óga nach bhfuil ar fáil in aon áit eile.

Tá Sraithchomórtas Lúthchleasaíochta Fhine Gall ar siúl le beagnach 20 bliain agus cuireadh tús leis le dornán scoileanna i bPáirc Bhaile Anraí, Sord. Áireoidh clár na bliana seo 60 bunscoil agus 2,700 dalta ag glacadh páirte i 5 chruinniú rása. Beidh an chéad dá rás ar siúl an tseachtain seo i bPáirc Bhaile an Phoirtéaraigh agus i dTeach an Droichid Nua, agus beidh an dara babhta i mí Aibreáin. Tabharfaidh buaic an chláir gach scoil chuig Coimpléasc Spóirt ALSAA i mí Bealtaine.

D'fhreastail Méara Fhine Gall, an Clr. Brian McDonagh, Stiúrthóir Seirbhísí, David Storey, Stiúrthóir Tionól Cluichí Morton, Noel Guiden, Curadh Trastíre Náisiúnta Idirmheánach 2025 Helena Butterly ó Clonliffe Harriers AC, Oifigeach Forbartha Spóirt Fhine Gall, Noel McManus agus mic léinn ó Scoil Náisiúnta Sord Educate Together ar seoladh Sraithchomórtas Lúthchleasaíochta Fhine Gall agus ar fhógairt na comhpháirtíochta.

Dúirt Méara Fhine Gall, an Comhairleoir Brian McDonagh 'Is clár rannpháirtíochta iontach é Sraithchomórtas Lúthchleasaíochta Fhine Gall le beagnach 20 bliain. Tugann sé deis do pháistí páirt a ghlacadh sa ghníomhaíocht choirp ar feadh an tsaoil agus an buntáiste a bhaineann le hionadaíocht a dhéanamh ar a scoil.’

Dúirt David Storey, Stiúrthóir Seirbhísí Chomhairle Contae Fhine Gall, 'Feicimid ar an sraithchomórtas lúthchleasaíochta mar dheis thairsí do leanaí a bheith páirteach ina gclub lúthchleasaíochta áitiúil nó Junior Parkrun. Is é iarmhairt oidhreachta an chláir ná an mhuinín agus an inniúlacht a thabhairt do leanaí leanúint ar aghaidh le haistear ar feadh an tsaoil i rith agus i ngníomhaíocht choirp.’

Beidh Cluichí Morton, Lúthchleasaíocht Idirnáisiúnta ar siúl Dé hAoine an 11ú Iúil i Staidiam Morton, Baile Átha Cliath. Anois ina 15ú bliain tá an cruinniú tar éis lúthchleasaithe náisiúnta agus idirnáisiúnta den scoth a mhealladh go seasta, go deimhin mheall Cluichí Morton na bliana seo caite lúthchleasaithe ó nach lú ná 28 tír éagsúil ó gach cearn den domhan. Tá sé mar aidhm ag an gcomhpháirtíocht idir Sraithchomórtas Lúthchleasaíochta Fhine Gall agus Cluichí Morton a dtiomantas maidir le tallainne a chothú ag gach leibhéal den spórt a neartú.

"Tá fíor-áthas ar Chluichí Morton ár gcomhpháirtíocht le Sraithchomórtas Lúthchleasaíochta Fhine Gall a athnuachan, tá fís chomhroinnte againn maidir le lúthchleasaíocht na hÉireann a chur chun cinn, ag gach leibhéal agus leanfaimid lenár gcuid oibre i dtreo pobal spóirt bríomhar agus cuimsitheach a chruthú a cheiliúrann spiorad an chairdis agus na hiomaíochta,” a dúirt Noel Guiden, Stiúrthóir Tionól le Chluichí Morton. “Tá an-áthas orainn go mbeidh an scoil bhuaiteach i Sraith Lúthchleasaíochta Fhine Gall inár n-aíonna speisialta arís ar oíche na gCluichí Morton agus guímid gach rath ar na scoileanna go léir a ghlacann páirt i sraithe na bliana seo chun taitneamh a bhaint as an spórt iontach seo, spraoi a bheith acu agus ar deireadh a ndícheall a dhéanamh.”

Beidh Cluichí Morton ar siúl Dé hAoine an 11ú Iúil i Staidiam Morton, Baile Átha Cliath ó 5.30in agus an clár Idirnáisiúnta ag tosú ag 7.00in. Tuilleadh eolais https://www.mortongames.ie/