Comhairle Contae Fhine Gall agus Gradam Stiúideo an RHA 2024
Tá áthas ar Oifig Ealaíon Chomhairle Contae Fhine Gall, i gcomhar le Scoil an Acadaimh Ibeirneach Ríoga (RHA), Gradam Stiúideo an RHA 2024 a fhógairt. Tugann an gradam mór le rá seo spás stiúideo maoinithe ar feadh bliana d’ealaíontóir gairmiúil, ag tosú i mí Dheireadh Fómhair 2024.
Tá áthas ar Oifig Ealaíon Chomhairle Contae Fhine Gall, i gcomhar le Scoil an Acadaimh Ibeirneach Ríoga (RHA), Gradam Stiúideo an RHA 2024 a fhógairt. Tugann an gradam mór le rá seo spás stiúideo maoinithe ar feadh bliana d’ealaíontóir gairmiúil, ag tosú i mí Dheireadh Fómhair 2024.
Tá an gradam oscailte d’ealaíontóirí atá ag cleachtadh ag gach céim dá ngairmeacha beatha ag obair san amharc-ealaín, ní mór gur rugadh iarrthóirí, go ndearna siad staidéar, nó go bhfuil cónaí orthu faoi láthair i gceantar riaracháin Fhine Gall le bheith incháilithe chun iarratas a dhéanamh.
Dúirt Méara Fhine Gall, an Comhairleoir Adrian Henchy “Tugann Comhairle Contae Fhine Gall agus Gradam Stiúideo an RHA 2024 deis shuntasach d’ealaíontóir Fhine Gall a gcleachtas a fhorbairt laistigh den institiúid amharc-ealaíon faoi stiúir ealaíontóirí is sine in Éirinn, ina ndéantar ealaín a chruthú, a thaispeáint agus a phlé.”
Dúirt Príomhfheidhmeannach Chomhairle Contae Fhine Gall, AnnMarie Farrelly, “tá áthas orainn comhoibriú leis an RHA chun rochtain a sholáthar d’ealaíontóir gairmiúil ar spás stiúideo maoinithe ar feadh bliana, ag tacú lena bhfás mar ealaíontóir agus lena ndul chun cinn gairmiúil.”
Dúirt Oifigeach Ealaíon an Chontae, Sarah O’Neill, “Tá Comhairle Contae Fhine Gall bródúil as tacaíocht a thabhairt don tionscnamh ríthábhachtach bliantúil seo a chumasaíonn ealaíontóir gairmiúil chun taighde a dhéanamh, saothar nua a fhorbairt agus a gcleachtas a leathnú.”
Deir Aoife Dunne, faighteoir an ghradaim cónaitheachta seo i 2023, an méid seo a leanas faoina cuid ama ag an RHA ”Thug an chónaitheacht deis iontach chun mo thionscadail reatha a chur chun cinn go domhain, rud a lig dom mo theicnící a bheachtú, tirail a bhaint as ábhair nua, agus coincheapa nua a fhiosrú. Táim an-bhuíoch do Chomhairle Contae Fhine Gall agus don RHA don tacaíocht agus spás."
Ba chóir d’ealaíontóirí ar mian leo a bheith san áireamh sa bhreithniúchán iarratas a dhéanamh tríd an bhfoirm iarratais a chomhlánú ar láithreán gréasáin an RHA www.rhagallery.ie
Is é an dáta deiridh le haghaidh iarratas ná Dé hAoine, 19ú Iúil 2024 ag 4.00in. Is féidir aon cheisteanna nó iarratais ar eolas breise a chur ar aghaidh chuig [email protected]
Is ealaíontóir ildisciplíneach í Aoife Dunne a ndéanann a saothar iniúchadh ar chastachtaí an tsaoil chomhaimseartha trí shuiteálacha digiteacha uaillmhianacha, a tharraingíonn dealbhóireacht, físeán, fuaim, taibhiú, teicneolaíocht agus feisteas le chéile.
Cuimsíonn a cur chuige gnéithe tobchumtha, idirghníomhacha, agus taibhitheacha, ag baint leasa as teicneolaíocht dhigiteach ar bhealaí nuálacha. Díríonn a taighde ar thionchar domhain na teicneolaíochta agus ár mbraistint áite agus ar an idirghníomhú dinimiciúil idir spásanna fisiceacha agus fíorúla. Tá fócas tiomnaithe ina saothar ar iniúchadh a dhéanamh ar éifeachtaí claochlaitheacha na dtionchar seo ar an réaltacht, ar an féiniúlacht, agus ar an bpobal.
Le linn a cuid ama ar an gcónaitheacht lean Aoife lena taighde ar thionchar na teicneolaíochta, ag scrúdú coincheapa na féiniúlachta, na dlúithe, agus nádúr na réaltachta, ag déanamh tuilleadh iniúchta ar an méid a bhíonn i bpáirt ag an teicneolaíocht, ealaín agus inchollú.
Bhain Aoife Dunne (a rugadh in Éirinn i 1995) céim amach ó Mheán na Mínealaíne de chuid NCAD i 2016 agus tá neart taispeántas idirnáisiúnta déanta aici ó shin. Bhí a saothar le feiceáil i dtaispeántais shuntasacha, lena n-áirítear seónna ag Músaem na hEalaíne Comhaimseartha, Denver, sna Stáit Aontaithe Mheiriceá, Acadamh Ríoga na nEalaíon, Londain agus Áras Nua-Ealaíne na hÉireann. Tá a nádúr ilchineálach mar chomhartha sóirt ag cleachtas Dunne, atá ag briseadh talamh nua i gcónaí i réimse na healaíne digití agus a taispeántas.
Sonraí Íomhá: Aoife Dunne, Untitled, stadán ó fhísobair fós idir lámha, 2024.
Is saoráid saintógtha í Scoil an RHA laistigh de Ghailearaí an RHA ina bhfuil stiúideonna aonair, stiúideonna líníochta plean oscailte agus leabharlann. Is spás faoi stiúir ealaíontóirí é chun foghlaim scilbhunaithe a sholáthar san Amharc-Ealaín. Tá piarfhoghlaim mar chuid lárnach de ghníomhaíocht Scoileanna an RHA, áit ar féidir eolas agus taithí a chur ar aghaidh ó ealaíontóir go healaíontóir. Tacaíonn Scoil an RHA le cuir chuige traidisiúnta agus chomhaimseartha araon i ndéanamh na healaíne, agus tá sé mar aidhm ag na tairiscintí atá aici cur le riar scileanna na n-ealaíontóirí atá ag obair i réimse ilchineálach agus athraitheach an chleachtais ealaíne reatha.
Tá Scoil an RHA le haghaidh ealaíontóirí gairmiúla ar mian leo scilbhisiú nó dul i ngleic lena cleachtas arís, mic léinn tríú leibhéal ar mian leo scileanna líníochta, péintéireachta agus úsáid chruthaitheach ábhar a fhorbairt agus a chleachtadh. Tá sí ann freisin d’ealaíontóirí gairmiúla ar mian leo saineolas a fháil. Freagraíonn Scoil an RHA do na haidhmeana seo le clár éagsúil a chuimsíonn grúpaí líníochta, cónaitheachtaí, ceardlanna, máistir-ranganna, seimineáir agus léachtaí poiblí.