Gradam Cónaitheacht Priontáil na Mínealaíne de chuid Chomhairle Contae Fhine Gall agus Graphic Studio 2024

Is mór an t-áthas a chuireann sé ar Oifig Ealaíon Chomhairle Contae Fhine Gall Gradam Chónaitheacht Priontáil na Mhínealaíne de chuid Graphic Studio Baile Átha Cliath a fhógairt. Mar chuid dá ghealltanas leanúnach d’ealaíontóirí gairmiúla, tá an Oifig Ealaíon de chuid Chomhairle Contae Fhine Gall, i gcomhar le Graphic Studio Dublin, ag tairiscint dhá chónaitheacht i gcló na mínealaíne. Tá na cónaitheachtaí seo ar oscailt d’ealaíontóirí gairmiúla ag gach céim dá ngairmeacha beatha, atá ag obair in aon disciplín, ar spéis leo próisis chlóite a fhiosrú.

Cuirfidh gach cónaitheachtaí coicíse sár-thimpeallacht ar fáil le haghaidh tionscadal cruthaitheach a fhorbairt i ndéanamh na bpriontaí agus tabharfaidh siad deis líonraithe le healaíontóirí eile. Oibreoidh na healaíontóirí a roghnófar le Máistir Priontálaí agus le foireann gairmiúl na priontála chun sraith priontaí ar eagrán teoranta a tháirgeadh. Cuirfear cruthúnais na n-ealaíontóirí isteach i mBailiúchán Ealaíne Bardasach Chomhairle Contae Fhine Gall. Beidh an chónaitheacht ar siúl ó mhí Samhain na bliana 2024, ar dháta arna chomhaontú leis na hiarrthóirí rathúla.

Lena bheith i dteideal iarratas a dhéanamh, ní mór gur rugadh an t-iarrthóir i limistéar riaracháin Fhine Gall nó go ndearna sé staidéar ann nó go bhfuil cónaí air ann faoi láthair . Caithfidh an t-iarrthóir a bheith ina ealaíontóir gairmiúil ag céim ar bith den ghairmré aige agus spéis aige i ndéanamh na bpriontaí. Ní riachtanach é go mbeadh aon taithí aige ar dhéanamh na bprionta.

Dúirt Méara Fhine Gall, an Comhairleoir Brian McDonagh gur “deis iontach í Gradam Cónaitheacht Priontáil na Mínealaíne de chuid Chomhairle Contae Fhine Gall agus Graphic Studio 2024 d’ealaíontóirí gairmiúla ag aon chéim den ghairmré acu chun iniúchadh a dhéanamh ar dhéanamh na bpriontaí faoi threoir Máistir Déantóir Priontála.”

Dar le AnnMarie Farrelly, Príomhfheidhmeannach Chomhairle Contae Fhine Gall, “Cuireann sé áthas mór orainn dul i mbun oibre i gcomhar le  Graphic Studios Baile Átha Cliath chun tacaíocht a thabhairt d'healaíontóirí gairmiúla agus do leathnú profaí na n-ealaíontói de chuid Bhailiúchán Ealaíne Bardasach Chomhairle Contae Fhine Gall ag deireadh na cónaitheachta.”

Dúirt Oifigeach Ealaíon an Chontae, Sarah O’Neill, “Baineann Comhairle Contae Fhine Gall bród as tacaíocht a thabhairt d’ealaíontóirí gairmiúla a rugadh, nó atá i ndiaidh staidéar a dhéanamh, nó a bhfuil cónaí orthu faoi láthair i bhFine Gall. Cuireann na cónaitheachtaí seo ar a gcumas a gcleachtas a leathnú i dtimpeallacht agus i bpobal thacúil.”

Deir Derval Carroll, duine iad siúd a fuair gradam seo na cónaitheachta sa bhliain 2023, i leith cuid ama ag Graphic Studios, Baile Átha Cliath “B'iontach é rochtain a fháil ar an trealamh a bhí ar fáil sa Stiúideo agus, níos tábhachtaí fós, ar eolas agus ar thaithí na n-ealaíontóirí go léir ar bhuail mé leo ann. Bhí mo mheantóir thar cionn ag freagairt na míle mílte ceist agam agus lig sé dom dom teicníochtaí agus turgnaimh éagsúla a thriail, gach ceann acu le foighne, le spreagadh agus le díograis.”

Ba cheart d'aonealaíontóir ar mian leis a bheith san áireamh iarratas a dhéanamh tríd an bhfoirm iarratais a chríochnú ar shuíomh Gréasáin Graphic Studios Dublin ag  www.graphicstudiodublin.com 

Sé Déardaoin an 25 Iúil ag 4.00in an spriocdáta le haghaidh iarratas a ghlacadh. Tá tuilleadh eolais le fáil ó Graphic Studio Baile Átha Cliath trí rPhost ag [email protected] . 

Faisnéis Bhreise  

Tar éis gairmré rathúil aici i bhforbairt an ghnó ar feadh 20 bliain, rinne Deval Carroll cúrsa punainne ag Coláiste Breisoideachais Luimnigh d’fhonn an paisean fadsaoil aici san ealaín a leanúint. Ina dhiaidh sin, bhain sí céim Chéad Onóracha amach i bPéinteáil na Mhínealaíne ó Scoil Ealaíne agus Deartha Luimnigh sa bhliain 2020.

Ag cur síos uirthi féin mar chleachtóir ildisciplíneach, déanann sí a cuid iobre tríd an bpéinteáil, trí na meáin dhigiteacha agus trí dhéanamh na bpriontaí. Oibríonn sí den chuid is mó i Luimneach faoi láthair, áit a bhfuil cónaí uirthi, ach tá go leor ceangail aici le Baile Átha Cliath áit ar thug sí faoi Chónaitheacht Fhine Gall le Graphic Studio Dublin chun a tuiscint ar chleachtais déanamh na bpriontaí a mhéadú agus a dhoimhniú.

Creidmheas íomhá: An t-ealaíontóir Derval Carroll ag obair i Graphic Studios, Baile Átha Cliath. Íomhá le caoinchead ó Graphic Studios, Baile Átha Cliath

Maidir le Graphic Studio Baile Átha Cliath      

Bunaíodh Graphic Studio Baile Átha Cliath sa bhliain 1960 d'fhonn an próiseas chun dul i ngleic le meán na priontaí le haghaidh smaointe na healaíne a chur in iúl a éascú, agus chun forbairt cleachtas rathúil na hoibre a éascú d’ealaíontóirí trí gach céim den ghairmré acu.

Cuirimid áiseanna déanamh na bpriontaí agus cúnamh teicniúil ar fáil i dtimpeallacht thacúil na hoibre, agus múinimid na scileanna a theastaíonn, chun cur ar chumas an ealaíontóra cleachtais rathúla na hoibre a fhorbairt, agus chun dul i ngleic leis na meáin chlóite le haghaidh cleachtais reatha na healaíne a leathnú.

Éascaíonn Graphic Studio Dublin na teicníochtaí priontála seo a leanas: Eitseáil, líonóilghearradh, pointe tirim, carborundum, bloc adhmaid, uisceadán, intaglio grianghraf, cabhradh dall, collagrafaíocht, preas litreach, meisitint, agus cló scáileáin. Is lárchuid dár n-éiteas í cúnamh teicniúil agus oideachas a chur ar fáil do phobail cleachtais na n-ealaíontóirí i dteicnící déanamh na bpriontaí thuasluaite..   

www.fingalarts.ie         www.fingal.ie/arts              www.graphicstudiodublin.com