News

Tá na deasca pleanála poiblí le hathoscailt ar an gCéadaoin, an 27ú Bealtaine 2020, ach caithfear coinne a dhéanamh roimh ré agus ní féidir breathnú ach ar iarratais phleanála reatha.  Is é an spriocdháta chun aighneachtaí a chur isteach agus na dátaí ar a bhfuil cinntí dlite le haghaidh iarratas faighte idir an 30ú Márta agus an 22ú Bealtaine, an 29ú Meitheamh 2020 agus an 20ú Iúil 2020 faoi seach.

Ón lá an lae inniu, Dé hAoine, an 22 Bealtaine, ar aghaidh, táthar ag glacadh le hiarratais ar an Deontas Atosaithe lena dtabharfar cúnamh deontais díreach do mhicreaghnóthais agus do ghnóthais bheaga chun cabhrú leo na costais a ghlanadh atá gearrtha acu chun fanacht oscailte, nó atá gearrtha orthu chun athoscailt nó chun a gcuid oibrithe a athfhostú tar éis dóibh a bheith dúnta mar gheall ar COVID-19.

Tá 54 reilig stairiúil i bhFine Gall agus is gné shuntasach d'oidhreacht an chontae iad. Tá go leor díobh fós á n-úsáid. Tá baint ag roinnt acu, cosúil le Lusca, Sord, Naomh Dúiligh agus An Ghreallach le naoimh agus téann siad chomh fada siar le tréimhsí luatha na Críostaíochta. Is reiligí paróiste meánaoiseacha iad cuid eile díobh, cosúil le Clochrán, Inis Pádraig agus Mullach Íde.

Reáchtáil Comhairle Contae Fhine Gall comórtas le déanaí do gach club sacair agus rugbaí atá lonnaithe i bhFine Gall chun trí ghníomh atá inbhuanaithe ó thaobh an chomhshaoil de a shainaithint agus tabhairt fúthu.

Tá ainm, nó bhí ainm tráth, ar gach páirc i bhFine Gall, agus ar fud na hÉireann.

Sé bliana ó shin, d’oibrigh Comhairle Contae Fhine Gall agus MarathonKids Ireland le chéile chun an clár MarathonKids a fhorbairt agus anuraidh rith 3,300 leanbh bunscoile i bhFine Gall maratón (42Km) ar scoil thar thréimhse 8 seachtaine. Mar gheall ar an athrú mór atá tagtha ar an saol, tá an clár á oiriúnú againn chun freastal ar an saol a bhfuilimid ag maireachtáil ann, agus ar na srianta atá curtha orainn. Tá MarathonKids ag athrú go dtí MarathonFamilies agus is féidir é a dhéanamh laistigh de raon 5km ón mbaile, ag tosú Dé Luain an 11 Bealtaine.

Tá réimse leathan gníomhaíochtaí agus acmhainní do gach aois ar fáil mar chuid den fheachtas nua “Ar Scáth A Chéile”.

Leabhrán nua saor in aisce é Garraíodóireacht don Bhithéagsúlacht (Gardening for Biodiversity) atá ar fáil ón Líonra Oifigigh Oidhreachta Údaráis Áitiúil a chabhraíonn le gach duine chun cabhrú leis an bhfiadhúlra ina ngairdíní.

Chuir Comhairle Contae Fhine Gall tús le próiseas comhairliúcháin phoiblí maidir le scéimeanna moillithe tráchta atá beartaithe a rolladh amach ar fud Fhine Gall.

Tá áthas ar Oifig Ealaíon Chomhairle Contae Fhine Gall an Ghairm Oscailte le haghaidh Stiúideo Ealaíontóirí Theach Bád Loch Sionnaigh a fhógairt. Rinneadh an teach bád seo a athchóiriú le déanaí. Tá sé lonnaithe i suíomh álainn i Loch Sionnaigh, ar sráidbhaile cois cósta é idir An Ros agus Na Sceirí. Mar gheall ar shuíomh fíorálainn an tí bád ar imeall an uisce agus ag ceann an chalaidh, cuireann sé spás oibre ar leith atá go hiomlán fóirdheonaithe ar fáil d'ealaíontóirí proifisiúnta.