Ciste na Séadchomharthaí Pobail 2021

Bunaíodh Ciste na Séadchomharthaí Pobail don chéad uair i 2020 chun infheistíocht a sholáthar in oidhreacht seandálaíochta na hÉireann. Tugtar tosaíocht do chuid don mhaoiniú seo d’údaráis áitiúla, úinéirí príobháideacha agus coimeádaithe agus grúpaí pobail do chúram, caomhnú, cothabháil, cosaint agus cur chun cinn séadchomharthaí seandálaíochta.

Is iad príomhfheidhmeanna an chiste seo caomhnú, cothabháil, cosaint agus cur i láthair séadchomharthaí seandálaíochta. Déanfaidh sé:

• oibreacha caomhnaithe a chumasú le déanamh ar shéadchomharthaí a mheastar a bheith suntasach agus a dteastaíonn tacaíocht phráinneach uathu;
• rochtain ar shéadchomharthaí a spreagadh agus a gcur i láthair a fheabhsú;
• athléimneacht a thógáil inár séadchomharthaí chun cur ar a gcumas éifeachtaí an athraithe aeráide a sheasamh.

Spreagann an Roinn tionscnóirí tionscadail gné oiliúna scileanna traidisiúnta a ionchorprú i dtionscadail.

Tá 3 Shruth ag Ciste na Séadchomharthaí Pobail:

1. Tairgeoidh Sruth 1 deontais suas le €85,000 atá dírithe ar oibreacha riachtanacha agus oibreacha caipitil chun séadchomharthaí seandálaíochta a chaomhnú agus a dheisiú

2.Tairgeoidh Sruth 2 deontais suas le €30,000 chun Pleananna/Tuarascálacha Bainistíochta Caomhnaithe a fhorbairt atá dírithe ar bhearta a shainaithint chun séadchomharthaí seandálaíochta a chaomhnú agus rochtain phoiblí a fheabhsú.

3. Tairgeoidh Sruth 3 deontais suas le €30,000 chun bonneagar rochtana agus léirmhíniú (lena n-áirítear fíorúil/ar líne) ag séadchomharthaí seandálaíochta (lena n-áirítear bearta sláinte poiblí COVID 19)

Ba cheart d’iarrthóirí príobháideacha nó do ghrúpaí pobail ar úinéirí nó coimeádaithe séadchomharthaí iad:

o Foirm chomhlánaithe CMF-A thíos (na rannáin ábhartha amháin)

o Ráiteas Modha Cuimsitheach a chur faoi bhráid  

o cuir faoi bhráid Chomhairle Contae Fhine Gall roimh an 12 Aibreán 2021

Tabhair le fios le do thoil: ní mór don Údarás Áitiúil rannáin d’Fhoirm A a chomhlánú sula gcuirtear faoi bhráid na Roinne Tithíochta, Rialtais Áitiúil agus Oidhreachta í. Níor cheart do ghrúpaí pobail nó d’úinéirí príobháideacha ach na rannáin ábhartha a chomhlánaú agus iad a chur faoi bhráid   [email protected]  faoi 12 Aibreán 2021.

Déan teagmháil le do thoil leis an Oifigeach Oidhreachta le haon cheist, ríomhphost  [email protected]

Ciste na Séadchomharthaí Pobail – Foirm Iarratais 2021

Méid an Chomhaid: 895KB – Cineál Doiciméid: MS Word

Meabhrán Míniúcháin CMF 2021

Méid an Chomhaid: 555KB – Cineál Doiciméid: Acrobat pdf